Ernazarov Komiljon Yuldashaliyevich
Ernazarov Komiljon Yuldashaliyevich

Oliy Majlis Qonunchilik palatasi deputati, O‘zLiDeP fraksiyasi a’zosi

Biografiyasi

1984 yil 20 fevralda Sirdaryo viloyati, Sirdaryo tumanida tug‘ilgan. Millati – o‘zbek.

200-2004 yillarda Toshkent moliya institutining bakalavr, 2009-2010 yillarda O‘zbekiston Respublikasi Prezidenti huzuridagi Davlat va jamiyat qurilishi akademiyasida tahsil olgan. Ma’lumoti bo‘yicha mutahassistligi sug‘urta ishi, xalqaro munosabatlar.

Mehnat faoliyatini 2005 yilda Sirdaryo viloyati Moliya boshqarmasi iqtisodiy sohadagi xarajatlarni moliyalashtirish bo‘limi yetakchi iqtisodchisi sifatida boshlagan.

2005-2007 yillarda  Sirdaryo viloyati Moliya boshqarmasi ijtimoiy sohani va aholini ijtimoiy himoyalashni moliyalashtirish bo‘limi yetakchi iqtisodchisi, 2007-2008 yillarda Sirdaryo tumani Moliya bo‘limi mudirining o‘rinbosari-budjet inspeksiyasi boshlig‘i, 2008 yil davomida Sirdaryo vilyati Moliya boshqarmasi mahalliy budjetni jamlash bo‘limi boshlig‘i o‘rinbosari, 2008-2010 yillarda Guliston shahar G‘aznachilik bo‘linmasi boshlig‘i (2009-2010 yy. - O‘zbekiston Respublikasi Prezidenti huzuridagi Davlat va jamiyat qurilishi akademiyasi tinglovchisi), 2010-2012 yillarda Sirdaryo viloyati Moliya  boshqarmasi boshlig‘i o‘rinbosari xalq ta’limi muassasalarini moliyalashtirish bo‘limi boshlig‘i, 2012 yil davomida Sirdaryo viloyati Moliya  boshqarmasi boshlig‘i o‘rinbosari, 2012-2013 yillarda Sirdaryo viloyati Monopoliyadan chiqarish va raqobatni rivojlantirish boshqarmasi boshlig‘i, 2013 yil davomida Xususiylashtirish, monopoliyadan chiqarish va raqobatni rivojlantirish davlat qo‘mitasi Sirdaryo viloyat boshqarmasi boshlig‘i, 2014-2015 yillarda Sirdaryo viloyati Iqtisodiyot Bosh boshqarmasi boshlig‘i lavozimlarida ishlagan.

2015 yilning 12 yanvardan O‘zbekiston Respublikasi Oliy Majlisi Qonunchilik palatasi Agrar va suv xo‘jaligi masalalari qo‘mitasi a’zosi sifatida faoliyat yuritib kelmoqda.

  • Chop etish
  • Do'stlar bilan ulashish