Konimex tumanidagi “To‘qqiztepa” MFYda tashkil etilgan sayyor qabulda toza ichimlik suvi tanqisligi, ishsizlik masalasi, sport zallari yo‘qligi muhokama qilindi
15.02.2018, 19:57
O‘zLiDeP Navoiy viloyat Kengashi tomonidan viloyatning barcha shahar va tumanlarida Xalq deputatlari mahalliy Kengashlari deputatlari ishtirokida sayyor uchrashular o‘tkazib kelinmoqda. Ana shunday uchrashuvning navbatdagisi Konimex tumanidagi “To‘qqiztepa” mahalla fuqarolar yig‘inida o‘tkazildi.
Aholining dardini tinglash, ularning muammolariga yechim topish, xalq manfaatlarini har tomonlama himoya qilishga qaratilgan sayyor uchrashuvda fuqarolardan har xil mazmunda tushgan muammolar atroflicha o‘rganildi.
Mazkur mahalla faollari bilan bo‘lib o‘tgan uchrashuvda muammolarning aksariyati toza ichimlik suvi tanqisligi, ishsizlik masalasi, bolalar sport bilan shug‘ullanishlari uchun sport zal yo‘qligi haqida bildirildi.
Xotin-qizlar va yoshlarni ish bilan ta’minlash borasida bildirilgan masalani ijobiy hal etishda Xalq deputatlari tuman Kengashidagi O‘zLiDeP deputatlik guruhi a’zosi K.Narmuratova yaqin oylarda 200-250 ish o‘ringa ega bo‘lgan kichik korxona ishga tushishi va mahalladagi ishsiz fuqarolarni ish bilan ta’minlanishi haqida ta’kidlab o‘tdi.
Sayyor uchrashuvda xalq deputatlari Konimex tumani Kengashi deputatlari mutasaddi tashkilotlarni jalb qilgan holda yuqoridagi kamchiliklar yuzasidan berilgan topshiriqlarni nazorat qilish, kerak bo‘lsa, deputatlik vakolatidan foydalanib, ularga amaliy yordam berish kerakligi ta’kidlab o‘tildi.
Ch.RADJABOV,
O‘zLiDeP Navoiy viloyat Kengashi
jismoniy va yuridik shaxslarning
murojaatlari bilan ishlash bo‘limi mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring