O‘zLiDeP deputatlik guruhi nazoratida Mingbuloqda 200 ta yangi ish o‘rni yaratiladi
16.02.2018, 14:57
“Faol tadbirkorlik, innovatsion g‘oyalar va texnolgiyalarni qo‘llab-quvvatlash yili” Davlat Dasturining qabul qilinishi, avvalo yurtimizda faol tadbirkorlikni rivojlantirish, innovatsion g‘oyalar va texnologiyalarni joriy qilish, tadbirkorlik sub’ektlarini har tomonlama himoya qilish, ular faoliyatiga noqonuniy aralashishlarning oldini olish mexanizmlarini takomillashtirish borasidagi ustuvor vazifalarni belgilab berdi.
O‘zLiDeP Mingbuloq tuman Kengashi tashabbusi bilan o‘tkazilgan “Qulay ishbilarmonlik muhiti – mamlakat taraqqiyotining muhim omili” mavzusidagi davra suhbatida shu haqida so‘z bordi. Tadbirda mamlakatimizda kichik biznes va xususiy tadbirkorlikni rivojlantirish, ular faoliyatini qo‘llab-quvvatlash borasida amalga oshirilayotgan islohotlar natijasida raqobatbardosh, eksportbop mahsulotlar ishlab chiqarish hajmini tobora kengayib borayotgani, yangi ish o‘rinlari yaratilib, aholi bandligini ta’minlashga erishilayotgani ta’kidlandi.
Tadbirda partiya Mingbuloq tuman Kengashidagi O‘zLiDeP deputatlik guruhi tomonidan 2018 yilda tumandagi kichik biznes sub’ektlarining ishlab chiqarish va xizmat ko‘rsatish sohasidagi 13 loyihani amalga oshirilishiga har tomonlama amaliy yordam ko‘rsatish va natijada 200 ta yangi ish o‘rinlarini yaratish yuzasidan chora-tadbirlar rejasi belgilab olindi.
Ibrohim SATTAROV,
O‘zLiDeP Namangan viloyat Kengashi
bo‘lim mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Xizmat ko‘rsatish salmog‘i ortmoqda
17.01.2024, 16:31
-
140 turdagi mebel mahsulotlari ishlab chiqarayotgan O’zLiDeP faolining yillik daromadi 11,4 mlrd. so‘mni tashkil etadi
06.10.2023, 14:02
-
Deputatlar tadbirkorlarning takliflarini o‘rgandi
29.09.2023, 15:47
-
Tadbirkorlar muvaffaqiyatga erishish sirlari bilan o‘rtoqlashdi
22.09.2023, 15:22
-
Deputatlar va tadbirkorlar muloqotida qilingan murojaatlar nazoratga olindi
21.09.2023, 17:22
Fikringizni qoldiring