“Yosh liberallar” klubi a’zolarining siyosiy bilimi oshirildi
24.02.2018, 14:28
O‘zLiDeP Uychi tuman Kengashi tomonidan “Yosh liberallar” klubi a’zolari uchun o‘quv-seminar tashkil etildi.
Tadbirda asosiy e’tibor yoshlarning siyosiy va iqtisodiy bilimlarini oshirish, dunyoqarashini yanada kengaytirish va jamoa bilan ishlash ko‘nikmalarini shakllantirishga qaratildi.
–O‘g‘il-qizlarni har tomonlama qo‘llab-quvvatlash, ijtimoiy-siyosiy faolligini oshirish, intilishlarini ro‘yobga chiqarishga ko‘maklashish, tadbirkorlikka jalb etish orqali bandligini ta’minlash O‘zLiDePning asosiy dasturiy maqsadlari biri hisoblandi, – deydi O‘zLiDeP Namangan viloyat Kengashi raisining yoshlar masalalari bo‘yicha o‘rinosari I.Sattarov. – Shu bois, bugungi kunda partiyaning yoshlar yo‘nalishidagi asosiy e’tibori partiya “Yoshlar qanoti”ning azmu shijoatli, tashabbuskor yigit-qizlarni o‘z atrofimizda birlashtirish, yosh faollarimizni xalq deputatlari mahalliy Kengashlar sessiyalarida ishtirokini ta’minlash, deputatlik faoliyati bilan yaqindan tanishishi uchun imkoniyat yaratishga va bu orqali navbatdagi saylovlarda partiyamizning istiqbolli yosh kadrlarini nomzod sifatida olg‘a surishga qaratilgan.
–O‘quv-seminarda “Yosh liberallar” klubi a’zosi sifatida nafaqat partiyamizning dasturiy maqsad va vazifalarini keng targ‘ib etish balki mamlakatimizning xar tomonlama rivojlanishiga ayniqsa, bu jarayonarga yoshlarni keng jalb etishga o‘z xissamizni qo‘shishimiz lozimligini yana bir bor his etdim, – deydi Uychi sanoat-transport va aloqa kasb-hunar kolleji talabasi Muhtasar Boyxanova. – Aytish joiz, bu kabi tadbirlar biz yoshlarning siyosiy bilimlarimizni yanada oshirish bilan birga, partiyaning maqsad va vazifalarini aholi orasiga keng targ‘ib qilishda yaxshi samara beradi.
Eslatib o‘tamiz, ana shunday o‘quv-seminarlar viloyatning barcha tumanlarida bo‘lib o‘tmoqda.
Abdullalatif Rahmanov,
O‘zLiDeP Namangan viloyat Kengashi
Siyosiy ta’lim markazi rahbari
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring