O‘zLiDeP Siyosiy Kengashi Ijroiya qo‘mitasi va partiya Buxoro viloyat Kengashi xodimlari, Xalq deputatlari viloyat Kengashidagi partiya  deputatlik guruhi a’zolaridan iborat ishchi guruhining sayyor qabullari davom etmoqda. Navbatdagi yuzma-yuz muloqot Kogon shahrida bo‘lib o‘tdi.

– Tadbirkorlik faoliyatimni boshlashda qiyinchiliklarga duch kelgan edim, – deydi Gulshoda Murtazoyeva. – Shu bois ro‘yxatdan o‘tmay tikuv sexi faoliyatini yo‘lga qo‘ygandim. Ammo oradan 2-3 kun o‘tib, soliq idorasi xodimlari faoliyatimni ta’qiqlab qo‘yishdi va menga katta miqdorda jarima solishdi. Faoliyatimni qayta tiklashim uchun jarimani to‘lashim, tadbirkor sifatida ro‘yxatdan o‘tib, faoliyat ko‘rsatmagan davr uchun ham soliq to‘lashim kerakligi tushuntirildi. Hisoblab qarasam, buning uchun taxminan 2 milliondan ko‘proq mablag‘ talab qilinar ekan. Menda esa buncha mablag‘ yo‘q. Sayyor qabul tashkilotchilaridan mening zararimga hisoblangan jarima miqdorini qayta ko‘rib chiqishlarini so‘rayman.  

Mazkur murojaat tuman prokurori B.Yarashev va Xalq deputatlari Kogon shahar Kengashidagi O‘zLiDeP deputatlik guruhi tomonidan nazoratga olindi.

Hasan SALOMOV,

O‘zLiDeP matbuot xizmati  xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!