Deputat ko‘magida Barliqbay Uteniyazovning orzusi ushaldi
10.03.2018, 15:14
Ayni chog‘da partiya faollari va deputatlarimiz eskicha ish uslubidan qochib, joylarda saylovchilar ishonchini oqlashga jiddiy kirishgan.
Shu maqsadda Xalq deputatlari Chimboy tuman Kengashidagi O‘zLiDeP deputatlik guruhi a’zosi Qallibek Arziyev va partiya faollari “Kenges” OFY hududidagi kam ta’minlangan, boquvchisini yo‘qotgan va moddiy ko‘makka muhtoj oilalar holidan xabar olishdi.
Hududni o‘rganish jarayonida fuqaro Barliqbay Uteniyazovning bir necha yillardan beri eski fuqarolik pasporti bilan yashab kelayotganligi va doimiy ishi yo‘qligi aniqlandi. Fuqaroga yangi biometrik passport olish uchun tegishli hujjatlarni tayyorlashiga deputat tomonidan amaliy yordam ko‘rsatildi.
– Ochig‘i, bugun judayam xursandman, quvonchim ichimga sig‘mayapti, – deydi Barliqbay Uteniyazov. – Nega desangiz, ko‘p yillardan beri hal bo‘lmay kelayotgan muammom bugun ijobiy yechim topdi. O‘zimiz ishonch bildirib saylagan deputatimiz ishonchimizni oqladi. To‘g‘risi, shu vaqtga qadar deputatning uyma-uy yurib, oddiy odamlar bilan muloqot qilganini ko‘rmaganman. Prezidentimizga rahmat! Ularning tashabbusi bilan deputatlarimiz jonlandi, o‘z ishiga mas’uliyat bilan yondasha boshladi. Hozirda deputatning ko‘magi bilan biometrik pasport olib, tumandagi “Ruslan-Nurlan” fermer xo‘jaligiga ishga joylashdim.
Bu kabi ezgu ishlarning tashabbuskori bo‘lib, xalqni rozi qilayotgan deputatga mehr bilan qarayotgan insonlarning ko‘zidagi quvonch va qalbidagi g‘urur hissi uni yanada g‘ayrat bilan ishlashga undaydi.
O‘zLiDeP Qoraqalpog‘iston Respublikasi
Kengashi matbuot xizmati
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring