O‘zLiDeP Siyosiy Kengashining majlisi bo‘lib o‘tdi

20.01.2017, 18:40

O‘zLiDeP Siyosiy Kengashining majlisi bo‘lib o‘tdi

2016-yil 12-dekabr kuni Tadbirkorlar va ishbilarmonlar harakati – O‘zbekiston Liberal-demokratik partiyasi Siyosiy Kengashining navbatdagi majlisi bo‘lib o‘tdi.

Yig‘ilishda dastavval shu yilning 4-dekabr kuni bo‘lib o‘tgan O‘zbekiston Respublikasi Prezidenti saylovlari natijalariga to‘xtalib o‘tildi. Siyosiy Kengash a’zolari tomonidan saylovlar milliy qonunchiligimiz talablari hamda umume’tirof etilgan xalqaro me’yorlarga mos ravishda ochiqlik, oshkoralik, muqobillik asosida o‘tkanligi alohida ta’kidlandi. Unda partiyadan ko‘rsatilgan nomzod Shavkat Miromonovich Mirziyoyev saylovchilarning 88,61 foiz ovozi bilan O‘zbekiston Respublikasi Prezidenti lavozimiga saylandi.

Qayd etilganidek Prezident saylovida xalqimiz yuksak siyosiy faollik namoyish etib, taraqqiy etgan demokratik mamlakatlar qatoridan joy olish, ochiq va adolatli jamiyat barpo etish yo‘lidagi strategik maqsad hamda vazifalarimiz amalga oshirilishini davom ettirish, yurtimizdagi tinchlik va barqarorlikni yanada mustahkamlash, odamlar turmush darajasini izchil yuksaltirib borishdek ezgu islohotlarimiz izchilligi uchun ovoz berdilar.

Majlisda ushbu siyosiy tadbirda O‘zLiDePning munosib ishtirok etgani, partiyadan ko‘rsatilgan nomzodning saylovoldi dasturi xalqimiz qalbidan chuqur joy olgani hamda to‘liq qo‘llab-quvvatlangani, bu esa o‘z navbatida, barcha tuzilmaviy bo‘g‘inlariga,  uning har bir faoli zimmasiga katta mas’uliyat yuklashi ta’kidlandi.

Yig‘ilishda mamlakatimiz Konstitutsiyasining 98-moddasiga asosan, O‘zbekiston Respublikasi Bosh vaziri nomzodini ko‘rsatish masalasi Siyosiy Kengash a’zolari tomonidan atroflicha muhokama qilindi. Ma’lumki asosiy qonunimizga binoan, O‘zbekiston Respublikasi Bosh vaziri nomzodi O‘zbekiston Respublikasi Oliy Majlisining Qonunchilik palatasiga saylovda eng ko‘p deputatlik o‘rinlarini olgan siyosiy partiya tomonidan O‘zbekiston Respublikasi Prezidentiga ko‘rib chiqish uchun taqdim etiladi.

Muhokamalar davomida ta’kidlanganidek bugun o‘z vakolatlarini amalga oshirishga kirishgan Shavkat Miromonovich Mirziyoyevning saylovoldi dasturlarida ilgari surilgan, mamlakatimiz hayotiga bevosita dahldor masalalarni hayotga tadbiq qilish ko‘p jihatdan xukumatga rahbar bo‘ladigan insondan ham katta salohiyat va tashkilotchilikni talab etadi. Sababi, ushbu dasturda qo‘yilgan masalalar nafaqat iqtisodiyot, yoki ijtimoiy sohalar, balki ko‘plab boshqa sohalarda ham aniq belgilangan rejalarni amalga oshirishni talab qiladi.

Majlis ishtirokchilari bo‘lib o‘tgan muhokamalar natijasida O‘zbekiston Respublikasi Prezidentiga Bosh vazir lavozimiga hozirda O‘zbekiston Respublikasi Bosh vaziri o‘rinbosari lavozimida ishlab kelayotgan  Abdulla Nigmatovich Aripov nomzodini taqdim etish to‘g‘risida qaror qabul qildilar.

Ta’kidlanganidek Abdulla Nigmatovich Aripov mamlakatimizda amalga oshirilayotgan islohotlarning muvaffaqiyati uchun mas’uliyatni to‘la zimmasiga olishga qodir, tashabbuskor va talabchan, yangilikka intiluvchan, jonkuyar va vatanparvar, quyidan yuqorigacha bo‘lgan barcha bo‘g‘inlardagi ijro organlarini boshqarishda yetarli tajriba va salohiyatga ega bo‘lgan fidoyi insondir.

Majlisda Tadbirkorlar va ishbilarmonlar harakati – O‘zbekiston Liberal-demokratik partiyasi Siyosiy Kengashi vakolatiga kiradigan boshqa masalalar ham ko‘rib chiqildi.

Shu bilan Tadbirkorlar va ishbilarmonlar harakati – O‘zbekiston Liberal-demokratik partiyasi Siyosiy Kengashining majlisi o‘z ishini yakunladi.

O‘zLiDeP  matbuot xizmati

  • Ko'rildi
    1080
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Танирбергенов Байрамбай Аскербаевич O’zLiDeP Қорақалпоғистон Республикаси Кенгаши Бошланғич партия ташкилотлари билан ишлаш гуруҳи раҳбари2018-05-15 12:18:25

9 май Хотира ва қадрлаш куни юртимизда кенг миқёсида белгиланмоқда. Президентимиз ташаббуси билан байрам тадбирини мана шундай кўринишда нишонлаш бўйича берган таклифи халқимизга жуда маъқул бўлмоқда.


Жиззах вилояти Давр -М корхонаси БПТ раиси Азимов Бутинбой 2018-05-08 17:23:59

Президентимизнинг тадбиркорларга берган имкониятлари Наманган ҳалқини янада руҳлантирди.


Турдиев Юсуп Ғузор туман кенгаши O`zLiDeP депутатлик гуруҳининг ижрочи котиби2018-05-08 16:25:35

Юртбошимиз барча вилоятга ташрифи давомида ҳеч бир соҳа ёки йўналиш эътибордан четда қолмаяпди. Тадбиркорлар бой булса халкни бокади, Президентимиз вилоятларга қилган ташрифлари давомида тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашишда масулларга керакли кутсатма ва тавсиялани бермокда.


O`zLiDeP Қизилтепа туман депутатлик гуруҳи раҳбари Ў.Сайфиев2018-05-08 16:06:42

Ш.Мирзиёевнинг ҳар бир вилоятга ташрифи чоғида янги саноат корхоналари ва тадбиркорлик субъектлари ташкил этиш, аҳоли, айниқса, ёшлар бандлигини таъминлаш бўйича таклиф ва тавсиялар, кўрсатмалар бериб, уларни амалга ошириш юзасидан бажарилган ишлар мониторингини юритиш орқали кучли назорат ўтказиб, юртимиз равнақи учун жон куйдирмоқдалар. Ҳар бир вилоятга ташриф чоғида давлатимиз раҳбари тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашиш бўйича ҳам ўз ёрдам ва маслаҳатларини аямайдилар. Шундай экан мен каби депутатлар ҳам ватан равнақи йўлида янада шижоатли ишлашга ва халқимиз ишончини оқлашга ҳаракат қиламиз.


O`zLiDeP депутатлик гурухи депутати ва "Кубаро Диёр" кўп тармоқли фнрмер хўжалиги раиси Х.Рахмонов2018-05-08 16:02:26

Юртбошимиз томонларидан ҳар бир ҳудудга шахсан ўзлари боришлари ва ҳар бир тадбиркор бўладими ёки фермер билан учрашишлари ва улрнинг фаолияти ҳамда муаммоларини жойида ҳал этишлари улкан эътибордир.


Қўшработ тумани ижрочи котиби Бойпўлатов Шухратжон2018-05-08 15:37:34

Президентимиз Қарори билан вилоят ва туманларда ишлаб чиқариш учун янги техналогияларни чет эл мамлакатлари билан шартнома имзолаш ва Ўзбекистонда хам сифатли махсулот ишлаб чиқарилишини таъминлаш ва Ҳалқ манфатини кўзлаб тадбиркорларга кенг имкониятлар яратилмоқда ўтган икки йил давомида жуда катта ўзгаришлар бўлиб ҳалқимиз бу ўзгаришлардан минаддор.


O'zLiDeP Боғот туман Кенгаши депутати Г.Рахимова2018-05-08 15:34:37

Президентимиз томонидан олиб борилаётган ишлардан миннатдормиз.


Гўзал Ҳайитова-Навбаҳор тумани "Агробанк" БПТ раиси2018-05-08 14:45:46

Юртбошимиз томонидан яратиб берилаётган имкониятлардан унумли фойдаланишимиз керак.


С.Рахимова-Навбаҳор туман Кенгаши раиси2018-05-08 14:13:07

Ўзим қишлоқ хўжалигида бир неча йиллар фаолият олиб борганлигим сабабли шуни айтаманки, яратиб берилаётган шароитлар ҳар бир тадбиркор ва фермерни руҳлантириб, юқори натижаларга эришишига ўз ҳиссасини қўшади.


АТБ "Агорбангк" Қўшработ филиали қошидаги БПТ раиси В. Савурова2018-05-08 13:49:12

Президентимиз вилоятларга ташрифлари давомида ички ва ташқи туризимни ривожлантиршка катта этибор қаратмоқда. Хозирда Самарқанд шахридаги мехмонхоналар, зиёратгохлар ва диққатга сазавор жойлар сайохлар билан тўлиб тошмоқда бу еса Республикамиз ялпи ички махсулотидаги туризим улушининг ўсиб боришига асос бўлмоқда.


Fikringizni qoldiring

+