Mehr - muruvvat ko‘rsatib
12.03.2018, 19:46
Xalqimizning yordamga muhtoj, extiyojmand kishilarga befarq emasligi, ularga har tomonlama ko‘maklashishdek olijanob fazilatlari qutlug‘ sana va milliy bayramlar munosabati bilan o‘tkazib kelinayotgan turli tadbirlarda yaqqol namoyon bo‘ladi.
O‘zLiDeP Romitan tuman Kengashi va mahalliy tadbirkorlardan Bobir Azimov, Bayram Murotova, Husen Jumayevlar tomonidan bu yilgi Navro‘z bayrami arafasida hududdagi Qaxramon MFYga qarashli Sarayon, Siyokon, Ustolar, Havlogaron, Qahramon qishloqlari hamda tuman markazidagi Istiqlol ko‘chasida istiqomat qiluvchi nogironligi bo‘lgan shuningdek, extiyojmand va o‘zgalar yordamiga muhtoj fuqarolar xonadonida bo‘lib, ularga sovg‘a-salomlar ulashdilar.
Partiya faollaridan partiya tuman Kengashi apparat rahbari Nasriddin Vohidov, Qahramon MFY raisi A.Hamroyev, ushbu hududda tashkil etilgan BPT raisi B.Murotova va boshqalar tomonidan ushbu yo‘nalishdagi xayrli va savob ishlarni amalga oshirishda bosh-qosh bo‘lmoqda.
Buxoro shahridagi 7-A Jomiy saylov okrugidan xalq deputatlari Buxoro shahar Kengashi deputatligiga saylangan Nodir Hamdamov, shahar Kengashidagi partiya deputatlik guruhi ijrochi kotibi Zarifa Safarova va boshqa ko‘plab maslakdoshlar tomonidan ham viloyat markazining “Mustaqillik”, “A.Jomiy” va “A.Somiy” ko‘chalaridagi xonadonlarda yashovchi kam ta’minlangan hamda yordamga muhtoj oila a’zolari holidan xabar olinib, ularga moddiy va moliyaviy ko‘mak berildi.
Eslatib o‘tamiz, bunday xayrli ishlar viloyatning boshqa tuman va shaharlarida ham davom etmoqda.
O‘zLiDeP Buxoro viloyat Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Parkentda turizm va yengil sanoat sohasida faoliyat yuritayotgan yirik tadbirkorlarning muammolari o‘rganildi
24.04.2024, 17:05
-
Kelajak avlodga munosib ish o‘rinini yaratish bugungi davr talabi
21.04.2024, 14:19
-
Tuman yoshlarining moliyaviy savodxonligi oshirildi
21.04.2024, 14:17
-
Sayxunobodlik yoshlarga biznesning sir-asrorlari o‘rgatildi
21.04.2024, 13:55
Fikringizni qoldiring