Qorao‘zakda subvensiyaning hissasi 48 foizdan 42 foizga kamaydi
13.03.2018, 17:35
Bu haqda Xalq deputatlari Qarao‘zak tuman Kengashidagi O‘zLiDeP deputatlik guruhining navbatdagi yig‘ilishida ma’lum qilindi.
Yig‘ilishda O‘zLiDeP Siyosiy Kengashi Ijroiya Qo‘mitasi mas’ul xodimlaridan tashkil topgan ishchi guruh va Xalq deputatlari tuman Kengashidagi partiya deputatlik guruhi a’zolari tuman moliya bo‘limi rahbari D.Pirniyazovaning hisobotini eshitdi.
Hisobotda ta’kidlanganidek, tumanda mahalliy budjet parametr ko‘rsatkichi 12 mlrd. 407,6 mln. so‘m miqdorida belgilangan bo‘lib, haqiqiy tushum 13 mlrd. 259,8 mln. so‘mni tashkil etgan. Natijada budjetning daromatlari rejasi 106 foizga, harajatlar esa, 41 mlrd. 194,7 mln. so‘mga, ya’ni 102 foizga ortig‘i bilan bajarilgan.
– Mahalliy budjet daromadlarini kengaytirish, hududlarni subvensiyadan chiqarish bo‘yicha ishlab chiqilgan Dasturga muvofiq, yil yakunida budjetdan olinadigan subvensiya hissasini 48 foizdan 42 foizga kamaytirishga erishdik, – deydi D.Pirniyazova. – Shuningdek, tumanda sanoat, qishloq xo‘jaligi va servis xizmatlarini ko‘rsatishga ixtisoslashgan 95 korxona tashkil etish hamda 18 korxonani moliyaviy jihatdan qo‘llab-quvvatlash rejasi to‘la-to‘kis amalga oshirildi. Bu kabi korxonalarning ishga tushishi hamda ularni modernizatsiyalash hisobidan, mahalliy budjetga 781,2 mln. so‘m qo‘shimcha daromad undirildi.
Yig‘ilishda ishchi guruh a’zolari va deputatlar tuman moliya bo‘limi rahbari hisoboti bo‘yicha o‘zlarining fikr-mulohazalarini bildirdi.
O‘zLiDeP Qoraqalpog‘iston Respublikasi
Kengashi matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring