Buvaydada “O‘zLiDeP kutubxonasi” ochildi
13.03.2018, 17:46
O‘zLiDeP Farg‘ona viloyat Kengashi tashabbusi bilan “O‘zLiDeP – Vatan taraqqiyoti, davlat va jamiyat tizimi rivoji hamda yangilanishining asosiy tayanchi” shiori ostida Forum tashkil etildi.
Forumda partiya viloyat Kengashi hodimlari, xalq deputatlari viloyat, tuman (shahar) Kengashidagi partiya deputatlik guruhi a’zolari, tadbirkor va fermerlar, boshlang‘ich partiya tashkilotlari yetakchilari hamda o‘quvchi-yoshlar ishtirok etdi.
Dastlab ishtirokchilar Buvayda tumani pedagogika kollejidagi amaliy ishlar bilan tanishdi. Kollejda yoshlarni bo‘sh vaqtini samarali tashkil etish, ularni tadbirkorlikka yo‘naltirish bo‘yicha qilingan ishlar ko‘pchilikka katta qiziqish uyg‘otdi.
–Kollejimiz O‘zLiDeP tuman Kengashi bilan doimiy hamkorlikda faoliyat olib boradi, – deydi Buvayda pedagogika kolleji direktori Rahimaxon Qo‘rg‘onova. – Partiya tomonidan o‘tkaziladigan turli tanlov va tadbirlarda o‘quvchilarimiz faol ishtirok etib, yuqori natijalarga erishgan. Turli targ‘ibot tadbirlari orqali o‘z tadbirkorligini boshlamoqchi bo‘lgan bitiruvchilarga amaliy yordam ko‘rsatilmoqda.
Shuningdek, forum doirasida Buvayda transport texnika mas’uliyati cheklangan jamiyatidagi boshlang‘ich partiya tashkilotida “O‘zLiDeP kutubxonasi”ni ochilish marosimi bo‘ldi. Unda keng jamoatchilik vakillari ishtirok etdi.
–Ushbu kutubxona 500 dan ziyod kitoblar bilan ta’minlangan bo‘lib, tez kunlarda kitob fondini yana mingtaga ko‘paytirish rejalashtirilgan, – deydi Xalq deputatlari tuman Kengashi deputati Zafarjon Dexqonov. – Ilgari hududda bu kabi ziyo maskanlari yo‘q edi. Endi esa aholi bu maskanda kitob mutola qilib, o‘z bilimini oshirishi mumkin.
Forum yakunida partiya viloyat Kengashi tomonidan bir guruh ishtirokchilarga esdalik sovg‘alar topshirildi.
O‘zLiDeP Farg‘ona viloyat Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zLiDeP Samarqand viloyat Kengashining yig‘ilishi bo‘lib o‘tdi
28.03.2024, 17:17
-
Tadbirkorlar qo‘llab-quvvatlanadi
28.03.2024, 17:16
-
Yoshlar o‘rtasida deputat kubogi uchun bahs olib borildi
28.03.2024, 17:11
-
Samarqandlik tadbirkorlarning muammo va takliflari o‘rganilmoqda
28.03.2024, 16:55
-
Quyi bo‘g‘inlarda hisobot – saylov yig‘ilishlari davom etmoqda
28.03.2024, 16:37
Fikringizni qoldiring