“Mo‘minobod”da yaroqsiz holga kelgan markaziy isitish binosida tikuvchilik tsexi tashkil etiladi
13.03.2018, 19:25
O‘zLiDeP Siyosiy Kengashi Ijroiya qo‘mitasi va partiya Toshkent viloyat Kengashi xodimlaridan tuzilgan ishchi guruh Olmaliq shahri va Piskent tumanlaridagi tadbirkor va fermerlar bilan uchrashdi. Uchrashuvda ko‘plab muammolar o‘rtaga tashlanib, taklif-tavsiyalar muhokama etildi. Yig‘ilishda olmaliqlik yoshlar tadbirkorlik yo‘liga g‘ov bo‘layotgan muammolarni bartaraf etish haqida yanada kengroq ma’lumot berish, jun mahsulotlarini qayta ishlashga ixtisoslashgan korxonalar bilan hamkorlikda o‘quv-seminarlar tashkil etish kabi takliflarni ilgari surgan bo‘lsa, piskentlik faollarimiz innovatsion tadbirkorlikni yanada rivojlantirish, yangi ish o‘rinlarini tashkil etish, imtiyozli kredit olish va lalmi yerlarda bog‘dorchilikni rivojlantirish bo‘yicha o‘z takliflarini bildirishdi.
Shuningdek, yig‘ilish davomida partiya Toshkent viloyat Kengashi tashabbusi bilan “Telegram” tarmog‘ida faoliyat yuritayotgan guruh a’zolari tomonidan yo‘llangan murojaatlar ham muhokama qilindi. Jumladan, “Sayidobod” MFYda yashovchi Baxtiniso Risqulova “Qodirjon Xamraqulov” fermer xo‘jaligini ko‘p tarmoqli fermer xo‘jaligiga aylantirishda turli to‘siqlarga duch kelayotganini ta’kidlagan bo‘lsa, Mavluda Umarova 1995 yildan beri “Mo‘minobod” MFY hududida yaroqsiz holga kelib qolgan markaziy isitish binosida tikuvchilik sexini tashkil etishda yordam so‘radi. “Telegram” tarmog‘idagi guruhlardan kelgan har ikki murojaat ham xalq deputatlari tuman Kengashidagi O‘zLiDeP deputatlik guruhi a’zosi Dilafruz Rashidova tomonidan nazoratga olindi.
O‘zLiDeP Toshkent viloyati Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zLiDeP Samarqand viloyat Kengashining yig‘ilishi bo‘lib o‘tdi
28.03.2024, 17:17
-
Tadbirkorlar qo‘llab-quvvatlanadi
28.03.2024, 17:16
-
Yoshlar o‘rtasida deputat kubogi uchun bahs olib borildi
28.03.2024, 17:11
-
Samarqandlik tadbirkorlarning muammo va takliflari o‘rganilmoqda
28.03.2024, 16:55
-
Quyi bo‘g‘inlarda hisobot – saylov yig‘ilishlari davom etmoqda
28.03.2024, 16:37
Fikringizni qoldiring