O‘zLiDePda valyuta siyosatini liberallashtirish masalalari muhokama qilindi

06.09.2017, 19:18

O‘zLiDePda valyuta siyosatini liberallashtirish masalalari muhokama qilindi

2017 yilning 6 sentabr kuni O‘zLiDeP Siyosiy Kengashi Ijroiya qo‘mitasi tomonidan “Chuqur o‘ylangan valyuta islohotlari biznes muhitini yanada yaxshilashning muhim omili sifatida”mavzusiga bag‘ishlangan davra suhbati tashkil etildi. Unda Prezidentimizning joriy yil 2 senyatbrda qabul qilingan “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida”gi Farmonining mazmun-mohiyati partiya faollari, elektorati - tadbirkor va fermerlar o‘rtasida keng muhokama qilindi.

Davra suhbatida deputatlar, vazirlik va idoralar, banklar vakillari, ekspertlar, tadbirkorlar hamda OAV xodimlari ishtirok etdi.

Davra suhbati ishtirokchilari Prezidentimizning ushbu Farmonini mamlakatimizda amalga oshirilayotgan islohotlarda oldinga tashlangan nihoyatda katta qadam sifatida baholashdi.

Chunki, ushbu Farmonning kuchga kirishi bilan shu vaqtgacha mavjud bo‘lib kelayotgan valyuta munosabatlariga haddan ziyod aralashuv, tashqi savdo va tadbirkorlik faoliyatini yuritishda yuzaga kelgan tengsizlik holatlariga chek qo‘yilganligi aytildi. Ayniqsa, eksport qiluvchi korxonalar faoliyatini murakkablashtirib kelgan, davlatning eksportni qo‘llab-quvvatlash borasidagi siyosati samaradorligini cheklanishiga asosiy sabablardan biri bo‘lgan tashqi muhitga moslashtirilmagan kurs siyosatidan voz kechilganligi mamlakat iqtisodiyoti uchun misli ko‘rilmagan burulish sifatida baholandi. 

Valyuta siyosatini erkinlashtirish yuridik va jismoniy shaxslarga xorijiy valyutani erkin xarid qilish, milliy valyutani ayrboshlash kursini faqat bozor mexanizmlari yordamida aniqlash, eksport xajmini oshirish, iqtisodiyotga xorijiy investitsiyalarni jalb qilish uchun zarur tadbirkorlik muhitini yaratish borasida muhim omil bo‘lib xizmat qilishi ta’kidlandi.

Davra suhbati ishtirokchilari O‘zbekistonda valyuta siyosatini erkinlashtirish borasida amalga oshirilayotgan islohotlarning tizimliligiga alohida e’tibor qaratishib, ilg‘or bozor mexanizmlarini bosqichma-bosqich joriy qilib borilishiga asoslangan ushbu yondoshuv bugungi kunga kelib yurtimizda valyuta bozorini liberallashtirish uchun zarur sharoit yaratilishiga, yuzaga kelishi mumkin bo‘lgan xatarlarning oldi olinishiga asos yaratganligi ta’kidlandi. 

Shu bilan birga valyuta tizimini isloh qilish iqtisodiyotda narxlarning o‘zgarishini samarali nazorat qilishni ta’minlashga qaratilgan pul-kredit siyosatining yangi mexanizmlarini yo‘lga qo‘yishni taqozo etishi to‘g‘risida ham fikrlar bildirildi.

Davra suhbatida ishtirok etayotgan eksport blan shug‘ullanuvchi bir qator tadbirkorlik sub’ektlari vakillari tomonidan kurs o‘zgarishi bilan ular faoliyatida yuzaga kelgan ayrim masalalar ham o‘rtaga tashlandi. Xususan, mahsulotlar va xizmatlar narhi AQSh dollarida belgilanib, Markaziy bank kursida to‘lanadigan bir qator yo‘nalishlarda narhlarning keskin oshishi biznes sub’ektlari maxsulotlari tannarxiga ta’sir qilib, jahon bozorida raqobatbardoshligini yo‘qotmasligi, yoki ayrim bir O‘zbekistonda ishlab chiqarilayotgan mahsulotlar narxlarning o‘zgarishi bilan import mahsulotlari oldida o‘z jozibadorligini yo‘qotib qo‘ymasligi uchun tegishli idoralar qanday choralarni rejalashtirayotganligi to‘g‘risidagi savollar shular julasidindir.

Savollarga Markaziy bank, Iqtisodiyot vazirligi, boshqa mutasaddi idoralar vakillaridan tegishli javoblar olindi.

Xulosa o‘rnida davra suhbati ishtirokchilari mamlakatimiz ijtimoiy-iqtisodiy hayotida yangi sifat darajasini ochib bergan ushbu qadam avvalo mamlakat rahbarining kuchli siyosiy irodasidan, mamlakatni zamonaviy rivojlangan davlatlar qatoriga olib chiqishga xalaqit qilayotgan har qanday to‘siqlarni hech bir mubolag‘asiz bartaraf etishga tayyorligidan dalolat berishi yana bir bor ta’kidlandi.

Mamlakat taqdiri uchun nihoyatda muhim, shu bilan birga murakkab jarayonlarda O‘zLiDeP faollari, barcha partiyadoshlar, tadbirkorlar va fermerlar qatlami rahbarimiz atrofida baqamti turib, sadoqat bilan ishlashi, olib borilayotgan siyosatning har bir sohada muvaffaqiyat bilan borishiga har kim o‘z joyida, ayniqsa xududlarda bor kuchi bilan hissa qo‘shishi lozimligiga chaqirildi. Ko‘rib chiqilgan masalalar yuzasidan tegishli tavsiyalar qabul qilindi.

O‘zLiDeP Matbuot xizmati

  • Ko'rildi
    988
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Сулайман Ибрагимов-ЎзЛиДеП ҚР Кенгаши Ёшлар қаноти2018-05-15 19:59:48

Қишлоқ хўжалиги техникаларини етказиб бериш бўйича қабул қилинган бу қарорга кўра соха ривожа ва қишлоқ хўжалиги иш самарадорлигини оширишга хизмат қилади. Натижада фермер-дехқонларимиз халқимиз дастурхонага арзон ва сифатли махсулотлар етказиб бериши учун яна бир имконият.


Ғаниев Нурали Хамзалиевич Фурқат туман "Шабода-Н" ф/х БПТ раиси2018-05-15 17:52:41

Туманда қишлоқ хўжалигини янада ривожлантириш учун техникалар етишмаслиги ҳозирги кунда муаммо эди. Юрт бошчимиз томонларидан чиқарилган ушбу қарор айни фермерлар кутган қарор булди. қишлоқ хужалиги техникасини ўз вақтида олиш буйича сансоларликларга бархам берилди .


Кораузак тумани Ерекеев Жапбарберген-депутат, "Генжемурат-ата" фермер хужалиги раиси2018-05-15 16:56:29

Туманда қишлоқ хўжалигини сўғориш учун техникалар етишмаслиги ҳозирги кунда долбзарб муаммо эди. Юрт бошчимиз томонларидан чиқарилган қарор айни фермерлар кутган қарор булди. Бу карор фермерларимиз учун катта имконият.


Ҳумоюн Мусажонов O'zLiDeP Сўх туман Кенгаши2018-05-15 16:02:58

Агротехника воситалари етишмаслиги сабабида туманда кўзланган натижага еришиш осон бўлмаяпти. Екин ҳосилларини вақтида суғориш йули билан даромадни ошириш мумкин. Лизинг кридитларига агротехнека воситаларини олиш жудаям қувонарли. Давлатимиз раҳбари томонидан қишлоқ хўжалигига қаратилаётган эътибор бизни електротимиз ҳисобланган фермерлар ғайратига ғайрат қушди.


Нодир Ботиров ЎзЛиДеП Сўх туман Кенгаши аппарат раҳбари 2018-05-15 15:57:21

Биздек вилоятнинг чекка ҳудудида жойлашган туманда қишлоқ хўжалигини сўғориш учун техникалар етишмаслиги ҳозирги кунда долбзарб муаммога айланган. Президентимиз томонларидан чиқарилган қарор айни фермерлар кутган қарор десак муболаға бўлмайди.


O`zLiDeP Нукус туман Кенгаши раиси У.Тулепов2018-05-15 15:36:51

Муҳтарам Юртбошимиз томонидан чиқарилаётган Қарор ва Фармонлар ўз долзарблиги билан юртимиз тадбиркорларини кўнглидаги орзуларини рўёбга чиқармоқда. Албатта, юқоридаги Қарор хам Фермерлар учун айни муддао.


Байрам Искендеров O'zLiDeP Кегейли тумани Кенгаши аппарат рахбари2018-05-15 15:33:38

2017 йилнинг январь-март ойларида атиги 71 дона трактор ишлаб чиқарилган. Жорий йилнинг дастлабки уч ойида эса бу кўрсаткич 432 донанини ташкил этган. 2018 йилнинг биринчи чорагида Ўзбекистонда трактор ишлаб чиқариш ўтган йилнинг шу даврига нисбатан 6 маротабага ошди. Демак Мамлакатимиз Аграр Мамлакат экан фермерларимиз учун зарур булган карор кабул килиниди.


Т.Бекниязов-Канликул тумани депутатлик гурухи рахбари2018-05-15 15:30:12

«Техника фермернинг қул-қаноти» дейди халқимиз. Бугинги техниканинг жадал ривожланган даврида фермерларимизга замонавий техникалар етказиб берилишига эътобар қаратилганлиги, барча фермерларимизни қийнаб келаётган муаммоларга ечим бўлди.


Қосимжон Шопўлатов O`zLiDeP Хатирчи туман бўлими аппарат рахбари туман Кенгаши депутати2018-05-15 15:14:23

Юртбошимизнинг ушбу қабул қилинган қарори мамалакатимиздаги қишлоқ хужалиги ва қишлоқ хужалиги махсулотлари етиштирувчи фермерларга катта имкониятларга эга қушимча имтиёз ва енгилликдир бунинг натижасида барча қишлоқ хужалиги агротехник ишлари ўз вақтида амалга оширилишга замин яратади .Шунинг билан бир вақтда шахсий ёрдамчи хужаликлар ,дехқон хужаликлари ва томорқа эгаларига лизинг ёки имтиёзли кредит эвазига мини қишлоқ хужалиги техникалари олишга ёрдам курсатилса янада нур устига ало нур буларди


Фарход Холиқов O`zLiDeP Хатирчи туман бўлими аъзоси 2018-05-15 14:48:53

Ота боболаримиздан қолган бир нақл бор Иш қуролинг соз бўлса машаққатинг оз булар деган Юртбошимизнинг мазкур қарори айни муддао қишлоқ хужалиги техникасини ўз вақтида олиш буйича сансоларликларга бархам берилди


Fikringizni qoldiring

+