Yaqinda O‘zLiDeP Samarqand viloyat Kengashi faollari aholi  xonadonlarida bo‘lib, tomorqadan samarali foydalanayotgan yurtdoshlarimiz bilan muloqot o‘tkazyapti.

–O‘z tomorqasidan foydalanishda qiyinchilik sezayotgan xonadon egalariga yerni ekishga tayyorlash, sabzavot urug‘i va ko‘chatlarini yetkazib berish, sabzavotlarini parvarishlashda yaqindan ko‘mak berib kelyapmiz, – deydi mahalla raisi, Xalq deputatlari Pastdarg‘om tuman Kengashidagi partiya deputatlik guruhi a’zosi Diyor Umerov. – Ayni chog‘da tomorqadan namunali foydalanib kelayotgan xonadon egalari tajribalarini ommalashtirish, ko‘rgazmali seminarlar tashkil etish mahallada an’anaga aylangan.    

– Tomorqamiz 8 sotixdan iborat bo‘lib, 3 sotix maydonda 2 ta issiqxona tashkil qilganmiz, – deydi Asqar Xamrayev. – Har yili 3 marotaba sabzavot va ko‘kat ekib, yaxshi daromad olyapmiz. Ayni paytda 1,5 sotix maydondagi bitta issiqxonada 750 dona pomidor ko‘chatini parvarish qilyapmiz. Kelajakda shu bir yarim sotixlik issikxonada yetishtirilgan pomidor hosilidan 10 mln.so‘mdan ortiq daromad olmoqchimiz.  

Tadbirda bu kabi amaliy muloqotlarni viloyatning boshqa tumanlarida ham o‘tkazishga kelishib olindi.

  O‘zLiDeP Samarqand viloyat

Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!