O‘zLiDeP sayyor qabulida B.Jo‘raboy ko‘chasidagi elektr energiyasini yetkazib berishdagi uzilishlar masalasi muhokama qilindi
03.04.2018, 19:48
O‘zLiDeP Nurota tuman Kengashi tashabbusi bilan “Nurfaxr” MFYda sayyor qabul tashkil etildi. Sayyor qabul davomida mahallaning “Toshkent” ko‘chasida istiqomat qiluvchi Akmal Hojiyev ko‘chalarning ta’mirtalabligi, kuz-qish mavsumidagi yog‘ingarchiliklar aholiga qiyinchilik tug‘dirayotganini ta’kidlab yo‘llarni ta’mirlashda mutasaddilar yordam so‘radi. Ushbu murojaat yuzasidan tuman “Obodonlashtirish boshqarmasi” boshlig‘i R.Avulov “Nurfaxr” MFYga dastur asosida 2,5 km shag‘al yo‘l qoplamasi joriy yilning II-choragi davomida amalga oshirilishini ma’lum qildi.
“Nurfaxr” MFY “Toshim Bozorov” ko‘chasida istiqomat qiluvchi fuqaro Tohir Gadoyev pensiyaga 2 yil qolganligini inobatga olib, ish bilan ta’minlashda amaliy yordam so‘radi. Mazkur murojaat yuzasidan Xalq deputatlari tuman Kengashi deputati S.Zokirov mutasaddi idoralarga deputatlik so‘rovi yuborishini bildirdi.
– B.Jo‘raboy ko‘chasidagi elektr kuchlanishi pasayib ketgan, – deydi mahalla ahli vakillari nomidan so‘z olgan Baxtiyor Abdiyev. – Bu esa elektr yetkazib berishda uzilishlarga olib kelmoqda. Mutasaddilardan ana shu muammoga jiddiy e’tibor qaratishlarini so‘raymiz.
Mazkur masala “Nurota elektr tarmoqlari” korxonasi boshlig‘i X.Yo‘ldoshev tomonidan nazoratga olindi.
Sayyor uchrashuv so‘ngida Xalq deputatlari tuman Kengashi deputatlariga yuqoridagi kamchiliklar yuzasidan berilgan topshiriqlarni nazorat qilish, deputatlik vakolatidan kelib chiqib, ularga amaliy yordam berishga kelishib olindi.
B.BOBOMUROTOV,
O‘zLiDeP Nurota tuman
Kengashi apparat rahbari
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring