O‘zLiDeP fraksiyasi a’zolari ko‘magi bilan 6 nafar arnasoylikka 38 mln. so‘mdan iste’mol krediti ajratildi

04.04.2018, 15:24

O‘zLiDeP fraksiyasi a’zolari ko‘magi bilan 6 nafar arnasoylikka 38 mln. so‘mdan iste’mol krediti ajratildi

Oliy Majlis Qonunchilik palatasidagi O‘zLiDeP fraksiyasi a’zolari Erkin Xolbo‘tayev va Nodir Rajabovlar hududlarni ijtimoiy-iqtisodiy rivojlantirish, iqtisodiyot tarmoqlari va ijtimoiy soha ahvolini o‘rganish hamda mavjud muammolarga yechim topish maqsadida Jizzax viloyatining Arnasoy tumanida bo‘lishdi.

57 mingdan ortiq aholi istiqomat qiluvchi Arnasoy tumani Jizzax viloyati ijtimoiy-iqtisodiy hayotida alohida o‘rin tutadi. Arnasoyliklar ham so‘nggi yillarda turli sohalarda sezilarli yutuqlarni qo‘lga kiritib, mamlakatimiz ravnaqiga o‘zlarining munosib hissacini qo‘shib kelmoqda. Biroq, tumanda yechimini kutayotgan, odamlarni o‘ylantirayotgan muammolar yo‘q emas.

Bu hududiy komissiya ish jarayonida yaqqol ayon bo‘ldi-qoldi. O‘rganishlar davomida ishchi guruh a’zolari 201 ta xonadon vakillari bilan uchrashib, jami 35 ta ijtimoiy soha ob’ektini ko‘zdan kechirdi. Shuningdek, 12 ta MFY faoliyati o‘rganildi.

Aytish joiz, o‘rganish davomida bunday muammolarning ko‘pchiligi joyida yechim topdi. Jumladan, tuman hududlarini o‘rganish davomida fuqarolar tomonidan qishloq xo‘jaligini rivojlantirish va takomillashtirish bo‘yicha 4 murojaat o‘rnatilgan tartibda ko‘rib chiqildi va “Bo‘ston” QFY hududida yashovchi R.Abdurahmanov hamda N.Abdurahmanovalarga chorvachilikni rivojlantirish uchun 30 mln so‘m miqdorida kredit ajratib berildi.

Faqat shugina emas. Uchrashuvlar davomida deputatlar ko‘magi bilan Tashqi iqtisodiy faoliyat milliy banki tomonidan 6 nafar fuqaroga 38,5 mln so‘m miqdorida iste’mol krediti ajratildi.

                        Saida UMARALIYEVA,

 O‘zLiDeP Jizzax viloyat Kengashi

                                                                             matbuot xizmati kotibi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1297
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Н.Туратова O'zLiDeP Зарбдор туман Кенгаши депутати2018-05-03 19:22:09

Аҳоли билан юзма-юз мулоқотлар ҳудудлардаги муаммоларнинг бартараф этилишида муҳим омил бўлмоқда. Олий Мажлис Қонунчилик палатаси O‘zLiDeP фракцияси аъзолари Эркин Холбўтаев ва Нодир Ражабовлар ҳудудларни ижтимоий-иқтисодий ривожлантириш, иқтисодиёт тармоқлари ва ижтимоий соҳа аҳволини ўрганиш ҳамда мавжуд муаммоларга ечим топиш мақсадида Жиззах вилоятининг Зарбдор туманида бўлишди. Мутасадди ташкилот ва муассасалар вакиллари билан ҳамкорликда Зарбдор туманида ўрганиш ишларини олиб борилди. Учрашувларда асосий эътибор Ўзбекистон Республикаси Президентининг 2017 йил 8 августдаги "Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида”ги қарори ижросини таъминлаш, ҳудудларни ижтимоий-иқтисодий ривожлантириш, иқтисодиёт тармоқлари ва ижтимоий соҳа аҳволини яхшилаш, мавжуд муаммоларни ўрганиш ҳамда бартараф этишга қаратилмоқда. Хусусан, ишчи гуруҳ 130 ўринга мўлжалланган Зарбдор туман тиббиёт бирлашмаси фаолияти билан танишди. Зарбдор туман тиббиёт бирлашмасида мутахассис кадрлар етишмовчилиги билан боғлиқ бир қатор муаммолар мавжудлиги аниқланди. Бугунги кунда муассасада 67 нафар шифокор фаолият олиб бораётган бўлса, шундан 47 нафари нафақа ёшига етган. Шунингдек, бирлашмада 12 та бўш иш ўринлари мавжуд. Мазкур ҳолатларнинг юзага келишига 2 та сабаб бор. Биринчидан, туманда тиббиёт йўналиши бўйича олий таълим муассасаларига кириш кўрсаткичлари паст. Иккинчидан, соҳа бўйича олий таълим муассасаларини тамомлаган мутахассис кадрлар Тошкент шаҳри ёки вилоят марказида ишламоқда. Ўрганишлар давомида ушбу ҳолатларни бартараф этиш бўйича мутасаддиларга тегишли тавсия ва кўрсатмалар берилди. Ўрганишлар давомида тиббиёт бирлашманинг болалар бўлимида дори-дармон воситаларининг етишмовчилиги билан боғлиқ муаммолар ҳам маълум бўлди.


Хислат Зайниддинов2018-04-20 16:44:29

Олий Мажлис Қонунчилик палатасидаги депутатларимиз амалий ишлар олиб бораётганлиги қувонарли ҳолат.


Fikringizni qoldiring

+