Xalq deputatlari Shahrisabz shahar Kengashidagi O’zLiDeP deputatlik guruhining navbatdagi yig‘ilishi bo‘lib o‘tdi.

Yig‘ilishda 2018 yilda ish o‘rinlarini tashkil etish va aholi bandligini ta’minlash dasturi parametrlarini bajarilish ahvolini o‘rganish yuzasidan shahar bandlikka ko‘maklashish markazi boshlig‘i A.Temirovning hisoboti  eshitildi.

Hisobotda ta’kidlanganidek, ishsizlik muammosini hal etish borasida Shahrisabz shahar hokimining “2018 yilda aholi bandligi ta’minlash va yangi ish o‘rinlarini tashkil etish dasturi” ishlab chiqildi va tasdiqlandi. Dasturga ko‘ra 2411, shundan yangi ish o‘rinlari tashkil etish prognoz parametrlari bo‘yicha 127, aholi bandligini ta’minlash bo‘yicha 1140 ta ish o‘rinlarini tashkil etish belgilangan.

– Shuningdek, 2018 yilning yanvar-fevral oylarida 165 ta yangi ish o‘rni yaratish ko‘zda tutilgan bo‘lib, o‘tgan oylar davomida 201 ta yangi ish o‘rni yaratildi, – deydi A.Temirov o‘z hisobotida. – Bundan tashqari, aholi bandligini ta’minlash dasturiga muvofiq, joriy yil davomida 1140 nafar ishsiz fuqaroni ishga joylashtirdik. Shundan 657 nafari maosh to‘lanadigan jamoat ishlariga, 67 nafari kvotalangan ish o‘rinlariga, 139 nafari kasbga o‘qitish va qayta tayyorlash hisobiga, 277 nafari esa tashqi mehnat migratsiyasi orqali xorijga ishga joylashtirish hisobiga bandligi ta’minlandi.

Yig‘ilishda kun tartibidagi masalalar yuzasidan O’zLiDeP deputatlik guruhining tegishli qarori qabul qilindi.

O’zLiDeP Qashqadaryo viloyat Kengashi

matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!