Buloqboshi tumanidagi Boymahalla mahallasining Obihayot hamda Oltin meros ko‘chalari orasidagi masofa 3 kilometrni tashkil qiladi. Ikki ko‘cha aholisini ham ichimlik suvi tanqisligi qiynaydi. Demak, imkon qadar oraliq masofada muammoni hal etish zarur.

5-Boymahalla saylov okrugidan saylangan O‘zLiDeP deputati Olimjon Matg‘oziyev aholi vakillari murojaatini atroflicha o‘rgandi. Joriy yilning aprel oyi boshidayoq sektor rahbari -tuman prokuroriga deputatlik so‘rovini yo‘lladi. Ezgu ish uchun harakat tez boshlandi. Mahalliy budjetdan ajratilgan 89 million so‘m mablag‘ hisobiga hududga 3 kilometrlik polietilen quvurlar keltirilib, qazish ishlari yakunlandi. Ayni chog‘da quvur yotqizilib, aholi uzoq yillar qiynalgan muammosidan xalos bo‘ldi.

–“Boymaxalla” mahallasidagi Obihayot ko‘chasi barpo bo‘lganiga o‘n to‘rt yildan ziyod vaqt bo‘ldi, – deydi ko‘chaboshi Qaxramon Pozilov. – Ammo ayni kunga qadar xonadonlar toza ichimlik suvi bilan to‘liq ta’minlanmagani bois uzoq masofadan ichimlik suvi tashib kelardik. O‘zimiz ishonch bildirib saylagan deputatimiz muammoimizni sektor rahbari orqali tez fursatda hal qilishga ko‘maklashdi.

Mirzoxid PARPIYEV,

O‘zLiDeP Buloqboshi tuman Kengashi

apparat rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!