Davlatimiz rahbari Shavkat Mirziyoyevning taklifiga binoan Turkmaniston Respublikasi Prezidenti Gurbanguli Berdimuhamedovning 2018 yil 23-24 aprel kunlari yurtimizga qilgan tashrifi zamonaviy davlatchiligimiz tarixida kuzatilgan eng muhim voqealardan biri bo‘ldi.

 Ikki davlat o‘rtasidagi siyosiy, ijtimoiy – gumanitar, ma’naviy, ayniqsa iqtisodiy sohadagi hamkorlikni kengaytirishga qaratilgan 17 ta shartnomalarning imzolanishi bevosita Turkmaniston bilan chegaradosh bo‘lgan Shovot tumanidagi tadbirkorlarni ham behad quvontirdi. Negaki, ayni paytda tumanimizda yiliga 200 ming juft charm-poyafzal mahsulotlarini ishlab chiqarishga mo‘ljallangan fabrika qurilishi davom etmoqda.

Korxonamiz joriy yilning to‘rtinchi choragida ishga tushishi rejalashtirilgan. Albatta, har bir tadbirkor o‘zi ishlab chiqargan mahsulotni eksport qilishni istaydi. Bu uning eng katta orzularidan biri desam adashmagan bo‘laman.

Shu bois, biz uchun eng yaqin tashqi bozor Turkmaniston bilan iqtisodiy munosabatlarning keng yo‘lga qo‘yilishi hamda ikki mamlakat tovar ishlab chiqaruvchilari uchun qulay shart-sharoitlar yaratilayotganidan benihoya mamnun bo‘ldim. Ana shu islohotlarning tashabbuskori bo‘lgan Prezidentimizga ming rahmat!

 Sultonboy OChILOV

“Shoxjaxon Shahnoza” oilaviy

korxonasi rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!