Hamkorlikni rivojlantirish masalalari muhokama etildi

26.04.2018, 12:36

Hamkorlikni rivojlantirish  masalalari muhokama etildi

O‘zLiDeP Siyosiy Kengashi Ijroiya qo‘mitasida Tadbirkorlar va ishbilarmonlar harakati –O‘zbekiston Liberal-demokratik partiyasi Siyosiy Kengashi Ijroiya qo‘mitasi raisi vazifasini bajaruvchi B.S.Yakubov hamda Qozog‘iston Respublikasining O‘zbekistondagi favqulodda va muxtor elchisi Ye.M.Utembayev o‘rtasida uchrashuv bo‘lib o‘tdi.

Amaliy muloqot chog‘ida ikki qo‘shni mamlakatda amalga oshirilayotgan keng ko‘lamli demokratik o‘zgarishlar bilan bog‘liq masalalar, shuningdek, bu muhim jarayonlarda siyosiy partiyalarning o‘rniga alohida to‘xtalib o‘tildi.

Uchrashuvda O‘zbekiston va Qozog‘iston o‘rtasidagi yaqin qo‘shnichilik munosabatlari, strategik sheriklik hamda mushtarak maqsadlar yangicha bosqichga ko‘tarilayotganligi ta’kidlandi. Keyingi paytda ikki davlat rahbarlarining muntazam davom etayotgan samimiy, do‘stona muloqotlari tufayli o‘rtadagi o‘zaro munosabatlar barcha yo‘nalish­larda yangi bosqichga ko‘tarilgani muhim ahamiyatga ega ekanligi qayd etildi. Zero, Qozog‘istonda 2018 yilning O‘zbekiston yili deb e’lon qilinganligi ikki qardosh xalq o‘rtasidagi azaliy, do‘stona aloqalarning yaqqol namunasi ekanligi aytib o‘tildi.

Muloqotda siyosiy partiyalar ham ikki mamlakat o‘rtasida erishilgan yuqori darajadagi kelishuvlarda ko‘zda tutilgan dolzarb vazifalarni hayotga joriy etishda faol ishtirok etish uchun zarur bo‘lgan muhim resurslarga ega ekanligi ta’kidlandi. Ayniqsa, Qozog‘iston va O‘zbekistonning yetakchi siyosiy partiyalari – “Nur Otan” va O‘zbekiston Liberal-demokratik partiyalari faoliyatida bu borada mavjud imkoniyatlar kengligi xususida mufassal so‘z yuritildi.  

Xususan, ikki davlat ishbilarmonlarining o‘zaro hamkorlikdagi qo‘shma tadbirlarini o‘tkazish, partiyalar tashabbusi bilan turli biznes-forumlar tashkil etish, ikki mamlakat ishbilarmon doiralari o‘rtasida mustahkam aloqalarni o‘rnatishga ko‘maklashish, shuningdek, savdo-iqtisodiy aloqalar qamrovini kengaytirish, hududlarning to‘g‘ridan-to‘g‘ri hamkorligini rivojlantirishga alohida e’tibor qaratish zarurligiga e’tibor qaratildi.

Ko‘tarinki va ishchanlik ruhida kechgan muloqotda, shuningdek, partiyalararo aloqalarni o‘rnatish hamda o‘zaro manfaatlarni aks ettiruvchi boshqa masalalarda hamkorlikni yo‘lga qo‘yish borasida ham atroflicha fikr almashildi.

O`zLiDeP matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    192
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Раззоқов Нурбек Алиевич2018-05-26 15:23:32

ЎзЛиДеП нинг қўшни давлатлар етакчи партиялари билан ҳамкорлигининг риожланиши натижасида экспорт ва импорт товарлари савдоси билан шуғулланувчи икки давлат тадбиркорларининг юзага келган ёки кутилаётган муаммоларини тезда бартараф қилиш имкони туғилади. Шунингдек давлатлараро қулай ишбилармонлик мухити яратилади ва савдо баланси ошиши таъминланади. Худо хохласа, пировард натижа фақат ва фақат фаровонлик бўлади. Раисимизга бу борадаги ишларида муваффақиятлар тилаймиз.


O’zLiDeP Навоий вилояти ҳудудий партия ташкилоти ходими Чингиз Раджабов2018-05-01 12:28:30

Қўшни давлат раҳбарларининг дўстона алоқалари амалда ўз ифодасини топиб, қўшничилик тамойилини йўлга қўйилиши ижтимоий-иқтисодий муносабатларни янада ривожланишига хизмат қилади.


Олтибоев Ўрол,Сурхондарё вилояти Партия мафкура бўлими2018-04-28 17:41:01

Икки мамлакат ўртасидаги ҳар томонлама муносабатлар ривожланишига муҳим қадам бўлди


Рахманова Дилрабо - O`zLiDeP Сурхондарё вилояти Кенгаши ходими2018-04-28 10:33:08

Мазкур мулокотда партияларнинг уртасидаги келишув натижасида икки давлат ишбилармонларининг ўзаро ҳамкорликдаги қўшма тадбирларини ўтказиши, партиялар ташаббуси билан турли бизнес-форумлар ташкил этиши, икки мамлакат ишбилармон доиралари ўртасида мустаҳкам алоқаларни ўрнатишга кўмаклашиш, шунингдек, савдо-иқтисодий алоқаларни кенгайтириши ҳамда партия ходимларининг малакалари ошишига катта кадам булади. Бундай келишувлар бошка давлатнинг сиёсий партия ташкилотлари вакиллари билан хам ҳамкорлигини ривожлантириши жуда кувонарли холат. Бу жахон партиялари тажрибаларини узлаштиришга кулай имконият деб уйлайман.


Хаққулов Зокир Тохирович2018-04-27 18:48:31

Ўзбекистон Либерал-демократик партияси Сиёсий Кенгаши Ижроия қўмитаси раиси вазифасини бажарувчи Б.С.Якубов ҳамда Қозоғистон Республикасининг Ўзбекистондаги фавқулодда ва мухтор элчиси Е.М.Утембаевнинг учрашуви мамлакатимизда демократик жараёнларнинг янада ривожланишига хизмат қилиб, айниқса икки мамлакатнинг етакчи партиялари фаолиятини юқори босқичга олиб чиқади.Муҳтарам раисимиз ва мазкур мамлакат элчиси билан амалга оширилган амалий мулоқот ҳам икки қардош халқнинг муштарак мақсадлари ва интилишларини янада мустаҳкамлашга хизмат қилади.


Шойкулов Комил 2018-04-27 18:34:12

Икки мамлакатда амалга оширилаётган кенг куламли узгаришлар хамда дустона муносабатларда, уларнинг иктисодий алокаларида сиёсий партияларнинг хусусан Ўзбекистон Либерал-демократик партиясини урни мухим ахамият касб этаётганлиги партиянинг биз каби тадбиркорлари ва кичик безнес эгаларининг манфаатлари йулида хизмат килади.


Мажидов Жололхон2018-04-27 17:55:43

Ўзбек ва Қозоқ халқлари қардош миллат вакиллари бўлиб бу икки давлатнинг хар томонлама ҳамкорлиги халқларнинг тинчлигини, иқтисодийни ва фаровонлигини таъминлайди.


Тожиқулов Файзулла2018-04-27 17:18:23

"Ён қўшни жон қўшни", "Қўшнинг тинч сен тинчсан" каби халқимиз кўп қайтарадиган пурмаъно фикрлар жуда кўп. Ушбу сўзларнинг қудратини ҳис қилишда ҳаммамизга ўрнак бўлаётган юртимиз рахбарининг саъй ҳаракатларига тан бермаган юртдошим менимча ҳозир йўқ. Чунки Ўрта Осиё халқлари азалдан бир-бири билан олди-берди қилган, қариндош уруғ бўлиб кетган. Уларни ажратиб бўлмайди. Улар орасига нифоқ солиш каби уринишлар Вақт деган Улуғ Ҳакам томонидан йўққа чиқариб ташланаверади. Бу фикрни 70 йиллик тарихимиз, ундан олдинги, кейинги тарихимиз ҳам тасдиқлаб турибти. Шундай экан O'zLiDeP рахбарининг қўшни давлат ҳукумат партияси рахбари билан мулоқоти таҳсинга лойиқ. Бундан тадбиркорларимиз биринчи навбатда манфаатдор. Демак халқимиз манфаатдор.


Гулмира Амирова2018-04-27 15:01:55

Ўзбекистон ва Қозоғистон ўртасидаги яқин қўшничилик муносабатлари азлдан мавжуд бугунки кунга келиб бу муносабатлар янги босқичи кўтарилиб бораётганлиги хам хаммамизга маълум. Икки малакатларнинг етакчи партияларининг хамкорлиги мамлакат ишбилармон доиралари манфатлари ва хамкорлиги йўлида хизмат қилади.


O‘zLiDeP Ғиждувон туман Кенгаши БПТ раиси Б.Исмоилов2018-04-27 12:17:51

Партиямиз раҳбарининг қўшни мамлакат элчиси билан учрашуви мамлакатимизда демократик жараёнларнинг яанада ривожланишига хизмат қилиб, айниқса икки мамлакатнинг етакчи партиялари фаолиятини юқори босқичга олиб чиқади.


Fikringizni qoldiring

+