O‘zLiDeP Xorazm viloyat Kengashi mutaxassislar bilan hamkorlikda tomorqadan samarali foydalanish bo‘yicha qo‘llanma ishlab chiqdi

26.04.2018, 18:35

O‘zLiDeP Xorazm viloyat Kengashi mutaxassislar bilan hamkorlikda tomorqadan samarali foydalanish bo‘yicha qo‘llanma ishlab chiqdi

Xiva tuman 49-Najmiddin Qubro saylov okrugidan Xalq deputatlari Xorazm viloyat Kengashiga saylangan Sobir Jumaniyazov saylovchilar ishonchini qozongan deputatlardan. Chunki u fuqarolar dardu-tashvishini o‘rganib, muammolarni joyida hal etishga harakat qiladi.

Yaqinda xalqning ishonchli vakili ko‘magi bilan Xiva tumani Juryon qishlog‘i Indavak mahallasida yashovchi Farhod Abdullayev o‘z tomorqasida issiqxona tashkil etdi.

– Hovlimizning yer maydoni katta, lekin shu kunga qadar tomorqamizda ekin ekmasdik, – deydi F.Abdullayev. – Deputat uyimizga kelib tomorqadan samarali foydalanish bo‘yicha bergan ko‘rsatmalari asosida o‘z tomorqamizda issiqxona qurdik. Endi oilamiz bilan pomidor, bodring ekib, yaxshigina daromadga ega bo‘lamiz. Eng muhimi, farzanlarimiz foydali mehnat bilan band.  

Xalqimiz azaldan mehnatsevar. Shu bois O‘zLiDeP viloyat Kengashi mutaxassislar bilan hamkorlikda o‘z tomorqasidan foydalanishda qiyinchilik sezayotgan xonadon egalariga yerdan unumli foydalanish, ekinlarni o‘z vaqtida parvarishlash bo‘yicha uslubiy qo‘llanmalar ishlab chiqdi. Bu qo‘llanmadan har bir xonadon egalari foydalanib, tomorqasidan yaxshigina daromad olishlari mumkin.   

 Quvonchbek HAMROYEV,

O‘zLiDeP Xorazm viloyat Kengashi

deputatlik guruhlari bilan ishlash

sektor mudiri

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    74
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Олтинкўл туман Кенгаши аппарат рахбари Х.Абдуллаева 2018-05-01 15:33:40

Олтинкўл туман Кенгаши ва Туман молия бўлими қошидаги БПТ хамкорликда “Бошланғич Партия Ташкилотлари ўз томорқасида” лойихаси доирасида жойларга борилиб хонадонларга "помидори""булғор қалампири" кўчатлари беминнат тарқатилди.


Раҳмонов Исломбек. Жиззах вилояти Дўстлик тумани "Дўстлик Дон ОАЖ" БПТ раиси2018-04-27 17:17:16

БПТ томонидан Ғ.Ғулом МФЙ Ҳ.Олимжон кўчасида истиқомат қилувчи Холмуродова Шохиста хонадони ўрганилиб 2 млн сўм маблағ ажратилди ва томорқада булғор қалампири етиштиришда ёрдам кўрсатилди.


Хива туман Аёллар масалалари бўйича раис ўринбосари Д.Ибрагимова2018-04-27 10:42:51

Бир қарич ердан ҳам унумли фойдаланиш керак. Бизнинг партиянинг мақсади ҳам шу. Ҳар бир инсон тадбиркор бўлиши, меҳнат қилиши ва бу орқали ўзига хамда оила аъзоларига намунали турмуш тарзини таъминлаши лозим. Шундай экан, инсон ҳар томонлама баркамолликка эришса, ҳаёт ўз-ўзидан гўзаллашади.


Халқ депутатлари Хива туман Кенгаши дептати М.Бекчанов2018-04-27 10:23:56

Бизнинг Соёт қишлоғида ҳам томорқадан унумли фойдаланиш бўйича катта ишлар бошлаб қўйдик. Хивамизда шундай ҳалқ ғами билан яшайдиган инсонлар депутат этиб сайланган экан. Бизнинг Хивамиз бундан буёғига бунданда гуллаб яшнашига ишончим комил.


Наргиз. Андижанский Областной Совет Либерально-Демократической партии Узбекистана2018-04-27 10:22:15

Согласна с мнением У.Абдуганиева. Их нужно как то направить на правильный путь, дать совет, и конечно-же помочь. Земля накормит всех. Теплицы сейчас уже почти имеются в каждой семье. Это значит что наш народ богат.


Хива туман Кенгаши ижрочи котиби Я.Хожаниязова2018-04-27 10:18:38

Ҳақиқатда ҳам Собир акани кўпгина Хиваликлар жуда ҳурмат қилишади. Чунки Собиржон ака чинданам халқнинг дарди билан ёниб яшайдиган инсон. Бундан кейинги ишларингизда ҳам сизни шу куюнчаклигингиз тарк этмасин, илоҳим умрингиз узоқ бўлсин.


Умиджон Абдуғаниев партия Шаҳрихон туман Кенгаши ижрочи котиби2018-04-27 09:46:34

томорқа - қўшимча даромад манбаи, бараканинг асоси, деб бежиз айтмайдилар. Партиямизнинг аҳолига бераётган йўналишдаги зарур тавсия ва кўмаклари орқали одамларимизнинг томорқадан фойдалана билиш кўникмалари шаклланмоқда.


Сафарбоев Иззат Шовот туман Кенгшаи депутати2018-04-26 18:52:05

Томорқа ерларидан самарали фойдаланиш бўйича олиб борилаётган кенг кўламли ишлар ҳозирги кунда ўз самарасини бермоқда. Вилоятимиз чекка қишлоқлари аҳоли томорқаларида етиштирилган маҳсулотлар аллақачон бозорларимизни тўлдиришни бошламоқда.


Аброр Отабоев2018-04-26 18:47:49

Ушбу қўлланмани барча худудларга тарғиб қилиш керак


Fikringizni qoldiring

+