Ilm-fan rivoji - taraqqiyotning bosh omili

09.11.2017, 15:20

Ilm-fan rivoji - taraqqiyotning bosh omili

O‘zbekiston Respublikasi Prezidenti Shavkat Mirziyoyev o‘tgan yil 30 dekabr kuni mamlakatimizning yetakchi ilm-fan namoyandalari bilan bo‘lib o‘tgan uchrashuvda:  “Bugungi zamon barcha sohalar qatorida ilm-fanni ham yangi bosqichga ko‘tarishni talab qilmoqda. Zotan, jamiyat oldida turgan dolzarb masalalarni ilm-fansiz yechish qiyin. Mazkur sohani va olimlarni har tomonlama qo‘llab-quvvatlash davlatimizning ustuvor vazifalaridandir”, - deb ta’kidlagan edi.

Oradan qisqa muddat o‘tib, O‘zbekiston Respublikasi Prezidentining “Fanlar akademiyasi faoliyati, ilmiy-tadqiqot ishlarini tashkil  etish, boshqarish va moliyalashtirishni  yanada takomillashtirish chora-tadbirlari to‘g‘risida”gi qarori  bilan republikamizda faoliyat olib borayotgan ilmiy markazlar va oliy ta’lim muassasalari huzuridagi ilmiy tadqiqot institutlari Fanlar akademiyasi tasarrufiga o‘tkazildi.  

Bugun davlatimiz rahbari mamlakatimizda ilm-fan sohasida amalga oshirilayotgan islohotlar samaradorligini ta’minlashga xizmat qiluvchi  “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari to‘g‘risida”gi qarorni imzoladi.   

Qarorga ko‘ra 2017-2021 yillarda ilmiy-tadqiqot muassasalarining infratuzilmasini mustahkamlash va innovatsion faoliyatini rivojlantirish bo‘yicha kompleks chora-tadbirlar dasturini tasdiqlash nazarda tutilgan. Ushbu dastur fan va innovatsiya sohasida 6 ta ustuvor yo‘nalish bo‘yicha 40 dan ziyod tadbirlarni o‘z ichiga oladi. Ayniqsa,  iqtidorli yoshlarni ilmiy faoliyatga keng jalb etish uchun zarur  sharoitlarni ta’minlash maqsadida doktoranturada o‘qish uchun maqsadli kvotalarni ajratish amaliyotini joriy qilish, magistrlik  dissertatsiyalarining  dastlabki himoyasini  amaliyot o‘talgan  muassasalarda o‘tkazish tartibining  kiritilishi fan va ta’lim integratsiyasini ta’minlaydi.  

Qarorga muvofiq 2018 yilning 1 yanavaridan boshlab gumanitar va boshqa ijtimoiy ahamiyatga ega ilmiy-tadqiqot  muassasalarining bino va inshootlarini saqlash,  ularning ayrim toifadagi xodimlari mehnatiga haq  to‘lash bo‘yicha harajatlarning Davlat budjeti mablag‘lari hisobidan amalga oshirilishi alohida e’tiborga molik.  

Bir so‘z bilan aytganda, mazkur qaror O‘zLiDePning dasturiy maqsadlariga uyg‘un va hamohang. Shunday ekan, qaror mazmun-mohiyatini keng aholi qatlamiga tushuntirish va targ‘ib qilish fraksiyamiz a’zolarining kundalik vazifasiga aylanishi lozim.

O.JAMOLDINOVA,

O‘zbekiston Respublikasi Oliy Majlisi

Qonunchilik palatasi deputati,

O‘zLiDeP fraksiyasi a’zosi

O‘zLiDePning Facebookdagi rasmiy sahifasi va Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    3242
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Олим Норжигитов, Жиззах вилояти 2018-08-28 09:49:22

Президентимизнинг "Тошкент шаҳрида инвестиция муҳитини яхшилаш бўйича экспериментни амалга ошириш чора-тадбирлари тўғрисида"ги қарори мамлакатимизда инвестицион муҳитни яхшилашга ва ишлаб чиқариш, саноатни янада ривожлантиришга хизмат қилади.


Олим Норжигитов, Жиззах вилояти 2018-08-28 09:49:22

Президентимизнинг "Тошкент шаҳрида инвестиция муҳитини яхшилаш бўйича экспериментни амалга ошириш чора-тадбирлари тўғрисида"ги қарори мамлакатимизда инвестицион муҳитни яхшилашга ва ишлаб чиқариш, саноатни янада ривожлантиришга хизмат қилади.


O‘zLiDeP Фарғона вилоят Кенгаши Бизнес тузилмалар ва фермерлар билан ишлаш бўлими мудири Халимжон Рахмонов2018-08-16 15:36:59

Президентимизнинг ушбу Фармонлари ивеститция мухитини Тошкент шаҳрида янада ривожи учун хизмат қилади. Инвеститцион мухитни яхшилаш чет эл инвесторларини жалб этиш борасида O‘zLiDeP Фарғона вилоят Кенгашида ҳам дастлабки қадамлар йўлга қўйилганлиги партиядошларимизга маълум қилинган эди. Ҳамкорлик натижалари бугунги кунга қадар Фурқат туманидаги “Tomosha Agro” МЧЖ Исроилнинг “V-Group” компанияси билан ўзаро ҳамкорликни йўлга қўйиш бўйича мемарандум имзолади. Келишувга кўра, Фурқат туманида 5 млн. долларлик гидропоника усулида иссиқхона қуриладиган бўлди. Лойиҳани амалга ошириш мақсадида Фурқат туман Давлат хизматлари марказидан “VP- Tomosha Agro” МЧЖ давлат рўйхатдан ўтказилди ва унга қўшма корхона гувоҳномаси топширилди. Имзоланган мемарандум асосида ўзаро келишув шартномалари расмийлаштирилди. ТИФ Миллий банки Қўқон филиалида қўшма корхона хисоб рақами очилди. Ўзаро келишувлар асоси тадбиркоримиз Фурқат туманида фаолият олиб борувчи Н.Рахимов томонидан 1 млн.доллар кредит маблағларини олиш учун банк талабидаги зарур хужжатларни тақдим этиш ишлари шу бугунгир кунга қадар якунланиши кўзда тутилмоқда. Ўйлайманки ушбу бошлаган хайирли ишларимизни якунлашда мутассади ташкилотлар ўз жонбозлигини кўрсатади. Ўзбек халқига ишонч билдириб янада истиқболли лойихаларни йўлга қўйиш истагини билдирган исроил давлати ишончини оқлаймиз. Маълумот тариқасида яқин кунларда “Боғдод соҳиллари” МЧЖ ҳам исроиллик тадбиркорлар билан ҳамкорликни йўлга қўяди. Партия вилоят Кенгаши бўлим мудири Х.Раҳмоновнинг фикрига кўра, қиймати 10 млн. долларга тенг бўлган мазкур лойиҳа ишга тушса, йилига 3 минг тонна курка гўштини қайта ишлаш, 300 дан ортиқ ёшларни иш билан таъминлаш имконияти пайдо бўлади. Бу лойиханинг амалга оширилиши биринчи бошланган лойиханинг кай даражада тез амалга оширилишига боғлиқ бўлиб турибди.


Fikringizni qoldiring

+