O‘zLiDeP Surxondaryo viloyat Kengashi tomonidan Sariosiyo tumanida “Xalq davlat idoralariga emas, balki davlat idoralari xalqimizga xizmat kilishi kerak” degan yezgu tamoil asosida sayyor qabul tashkil etildi.

Sayyor qabul davomida aholidan elektr energiya, toza ichimlik suvi olib kelish, xonadonlarga gaz baloni ajratish, issiqxona tashkil etish, komunal to‘lov va boshqa masalalar bo‘yicha murojatlar kelib tushdi.  

Xususan, “S.Sheroziy” mahallasi “M.Qoshg‘ariy” ko‘chasida yashovchi Jabbor Bobonazarov uyi yonida o‘rnatilgan eletr sim yog‘ochi yaroqsiz holatga kelib kolgani sababli aholi elektr energiyadan to‘liq foydalanmayotganini  aytib, sim yog‘ochni almashtirib berishda yordam so‘radi. Uning murojati tuman elektr tarmoklari bosh injeneri M.Ko‘charov tomonidan o‘rganildi va shu yerning o‘zida hal etildi.  

Shu mahallaning “Barkamol Avlod” ko‘chasida yashovchi Gulmurod Malikzoda ichimlik suvining bir kunda 2 soat berilayotganligi sababli ko‘cha oxiridagi xonadonlarga suv yetib kelmayotganidan shikoyat qildi. Uning murojaatini Xalq deputatlari tuman Kengashi deputati Zulayho Jabbarova o‘z zimmasiga olib, tuman Suv oqava unitar korxonasiga deputatlik so‘rovi yuborish orqali hal qilib berishga va’da berdi.

Shuningdek, uchrashuvlar davomida hududda yashovchi Bohodir Zoirovning muammosiga ham yechim topildi. Fuqaro tuman gaz korxonasi tomonidan 356,000 ming so‘m ortiqcha karzdorlik belgilab qo‘yilganidan shikoyat qildi. Mazkur muammo S.Kiyomiddinov tomonidan o‘rganildi va shu yerning o‘zida hal etildi.

Umuman, sayyor qabul davomida 40 ga yaqin masala va muammolar muhokama qilinib, ularning aksariyati qonunchilik talablari asosida hal etildi. Qolgan masalalar ijrosi nazoratga olindi. 

Ziyoda QODIROVA,

O‘zLiDeP  Surxondaryo  viloyat

Kengashi  xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!