O‘zLiDeP ko‘magida asakalik Matlubaxon Tursunova o‘z tomorqasida issiqxona tashkil etdi

03.05.2018, 17:49

O‘zLiDeP ko‘magida asakalik Matlubaxon Tursunova o‘z tomorqasida issiqxona tashkil etdi

Asaka tumanidagi “Mustahkam” mahalla fuqarolar yig‘inidagi 5 ta xonadon “Samar agrozoovetservis” MChJ qoshidagi boshlang‘ich partiyaga biriktirilgan.

Yaqinda partiya Asaka tuman Kengashi tomonidan “O‘zLiDeP boshlang‘ich partiya tashkilotlari o‘z tomorqasida faoliyat boshlaganlarga ko‘makdosh” loyihasi doirasida “Tomorqa – qo‘shimcha daromad manbai!” shiori ostida amaliy muloqot tashkil etildi.

–Qishloq aholisi orasida xonadonlarda tomorqadan samarali foydalanishni keng targ‘ib qilish maqsadida xonadonlarda bo‘lganimizda, fuqarolarning tomorqa haqidagi fikrlari ijobiy o‘zgarayotganini guvoh bo‘lyapmiz, – deydi partiya Asaka tuman kengashi ijrochi kotibi Yaxyobek Muxtarjonov. – Masalan, “Mustahkam” mahallasidagi “Mustahkam” ko‘chasi 115-uyda yashovchi Matlubaxon Tursunovaning murojaatiga asosan, partiya ko‘magi bilan uning xonadonidagi bo‘sh turgan 2 sotix maydonga issiqxona qurildi. Ushbu issiqxonada limonariya tashkil etilib, ko‘chat oralariga vitaminlarga boy ko‘kat mahsulotlari, bulg‘or qalampiri nihollari ekildi. Endi xonadon egasi qishning chillasida ham o‘z dasturxonlaridan ortib, bozorlarimiz to‘kin bo‘lishiga o‘z hissasini qo‘shadi.

Andijon tumanidagi “Sanoat” MFY qoshidagi quyi tuzilma ham bunday xayrli ishlarda tashabbuskorlar. Mahallaning “Bunyodkor” ko‘chasidagi kam ta’minlangan 5 ta xonadonni o‘z qaramog‘iga olgan BPT faollari qo‘ldan kelgan barcha ko‘makni berib kelmoqda.

–Uch sotixdan iborat tomorqamizdan moddiy ta’minotimiz yetarli bo‘lmagani uchun foydalana olmasdik, – deydi shu hududda yashovchi Davlat Qurbonov. – Partiya yordamidan minnatdormiz. Ularning tashabbusi bilan endi bo‘sh turgan yerga pomidor, bodring, karam ko‘chatlarini ekdik. Bunda esa partiya faollarining o‘zi bosh-qosh bo‘lib, ekin-tekin ekishda o‘z yordamlarini ayamadilar.

Bunday tadbirlar viloyatning barcha shahar, tumanlarida o‘tkazilmoqda.

Abror XONTO‘RAYEV,

O‘zLiDeP Andijon viloyat kengashi

BPT bilan ishlash guruhi rahbari

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
BPT
  • Ko'rildi
    806
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Улуғбек Аҳмедов2018-05-08 09:41:23

Асака тумани мева-сабзавотга ихтисослаштирилган. Озиқ-овқат хавфсизлиги дастурида фаол қатнашишимиз зарур!


Ферузахон Мирзарахимова2018-05-04 17:29:10

Тумандаги "O'zLiDeP БПТ ўз томоркасида фаолият бошлаганларга кумакдош" лойихаси доирасида утказилаётган тадбирлар натижасида хонадонларда етиштираётган кишлок хужалик махсулотларини уз эхтиёжидан ортган кисмини четга экспорт килишни йулга куйиш натижасида оилалар бюжети купрок даромат топмокда.


Зухра Хайдарова Избоскан туман кенгаши ижрочи котиби 2018-05-04 14:25:50

бошланғич партия ташкилотлари томонидан бундай лойихаларни ўтказилиб бориши самарали натижа бериб бормоқда.Чекка худудлардаги аҳоли томонидан ҳам бундай лойиҳлар ижобий баҳоланмоқда


Тошкент шаҳри - Бектемир тумани "Тошкент қурилиш материаллари" МЧЖ - БПТ2018-05-04 10:37:02

Расмда лимон эмас - бодринг поясини кўряпмизку. Қани лимонлар???? :)))


Муяссархон Умурзақова Андижон вилоят Кенгаши мафкуравий ташвиқот тарғибот бўлими мудири2018-05-04 10:35:10

Вилоят кенгаши томонидан амалга оширилаётган бундай хайрли тадбирлар ҳар куни бўлиб ўтмоқда. муҳими, аҳоли партия ишидан, кўмагидан мамнун. мана шундай эзгу ҳаракатларимиз бардавом бўлсин. Аброрбекка ҳам омад!


Гулматова Мухаррам Мархамат тумани ижрочи котиби2018-05-04 09:52:03

Асака туманидаги"Самар агрозооветсервис МЧЖ қошидаги бошланғич партия ташкилоти раиси хамда аъзоларини олиб бораётган ишларига омад ва зафарлар ёр бўлсин, бундай бошланғич партия ташкилотлари сафи кенгаяверсин


O`zLiDeP Сурхондарё вилоят Кенгаши Ёшлар билан ишлаш бўлими мудири Зебинисо Сапарова Давлат қизи2018-05-04 09:32:15

“O‘zLiDeP бошланғич партия ташкилотлари ўз томорқасида фаолият бошлаганларга кўмакдош” лойиҳаси доирасида “Томорқа – қўшимча даромад манбаи!” шиори остида ташкил этилаётган бу каби хайрли ишлар бардавом бўлсин!


Бойсун туман Кенгаши Ижрочи котиби Каримов Журакул2018-05-04 09:22:29

Бундай хам ахолига хам уз оиласига озик-овкат махсулотларини етказишда, айникса даромади олишга ўз хиссаси қушиб келаётган тадбиркорларга келажакдаги ишларига омад тилайман.


Бойсун туман Кенгаши апарат раҳбари Жахонгир Тураев2018-05-04 09:19:52

Жорий йилнинг 18 мартида Вазирлар Маҳкамасининг "Деҳқон хўжаликлари ва томарқа ер участкаларидан самарали фойдаланишни ташкил этиш чора-тадбирлари тўғрисида”ги қарори ҳаётга тадбиқ этиш керак. ушбу чора-тадбирларни барча худудларда. кенг тарғиб қилиш керак.


Сурхондарё вилоят Кенгаши Тадбиркорлар ва фермерлар билан ишлаш бўлими мудири Абдулллаев Турсунали2018-05-04 09:11:00

Сўнги йилларда деҳқон хўжаликлари ва томорқа ер участкаларидан самарали фойдаланишини ташкил этиш бўйича амалга оширилган ислоҳотлар натижасида қишлоқ хўжалиги маҳсулотлари ишлаб чиқариш ҳажмлари сезиларли даражада ошишига эришилди.


Fikringizni qoldiring

+