Urganchlik Mirkamol Atabayev sholidan tarixiy suratlar aks etgan aplikatsiya yasash innovatsion loyihasini ishlab chiqdi

03.05.2018, 17:56

Urganchlik Mirkamol Atabayev sholidan tarixiy suratlar aks etgan aplikatsiya yasash innovatsion loyihasini ishlab chiqdi

O‘zLiDeP Xorazm viloyat Kengashi tomonidan “Yosh innovatsiyachi” ko‘rik-tanlovining Urganch shahar bosqichi o‘tkazildi. Tanlovda shahardagi 12 ta kasb-hunar kollejidan 20 nafarga yaqin yoshlar o‘zining qiziqarli, innovatsion loyihalari bilan ishtirok etdi.  

Urganch ijtimoiy-iqtisodiyot kasb-hunar kolleji o‘quvchisi Mirkamol Atabayev ham tanlov ishtirokchilaridan biri. Tinib tinchimas bu yosh ixtirochi tomonidan ishlab chiqilgan yangi loyiha ishtirokchilarda katta qiziqish uyg‘otdi.

–Tanlovda sholidan turli tarixiy suratlar tushirilgan aplikatsiya yasash innovatsion loyiham bilan ishtirok etdim, – deydi u. –Loyiham qo‘l mehnati bilan yaratiladi. Dastlab sholi 2 soat suvda qaynatiladi. So‘ng ikkiga ajratilib, dazmollanadi. Tayyor mahsulot rasm tushirilgan chizgi ustidan yopishtirilib ishlov beriladi.  Hozirda turli tarixiy suratlar aks etgan aplikatsiyalarimizga  vohamizga tashrif buyurayotgan turistlar juda qiziqmoqda. Agar loyiham hayotga izchil tatbiq etilsa, nafaqat qo‘shimcha yangi ish o‘rinlari  yaratiladi, shu bilan birga tengqurlarimiz halol mehnat qilishni o‘rganib, viloyatimizda turizm salohiyati oshishiga o‘z hissasini qo‘shadi.

Ma’lumot o‘rnida aytish joizki, qahramonimiz joriy yilning fevral oyida O‘zbekistondagi Britaniya Kengashi bilan hamkorlikda o‘tkazilgan “Eng yaxshi innovatsion fikrlash” mavzusidagi tanlovning Respublika bosqichida ham fahrli 3-o‘rinni qo‘lga kiritgan.

Tanlovda Mirkamol Atabayevdan tashqari “Uy sharoitida biogaz va bioo‘g‘it ishlab chiqarish” loyihasi bo‘yicha Rahmatjon Zaripov hamda Tikuvchilik yo‘nalishi bo‘yicha Sevara Xudoyberganovalar tanlovning viloyat bosqichiga yo‘llanma oldilar.

          Azamat ANNAXASANOV,

O‘zLiDeP Xorazm viloyat Kengashi

Yoshlar bilan ishlash bo‘limi

yetakchi konsultanti

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1788
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Норқулова Феруза Узун туман Кенгаши ижрочи котиби2018-05-07 15:23:29

Давлатимиз келажаги ёшлар қўлида шундай экан биз иқтидорли, билимли, ташаббускор ёшларимизни қўллаб-қувватлаймиз.


Шопулатов Косимжон туман кенгаши депутати аппарат рахбари2018-05-05 21:56:56

Эртанги кунимиз булган ешларнинг билими ва ихтироларини канчалик куллаб кувватласак келажагимиз ривожланиб ривожланган давлатлар катори юртимизда хам янги иновация ва технолигиялар яратилади


ЎзЛиДеП Сурхондарё Қумқўрғон туман Кенгаши аппарат раҳбари Ботир Аннақулов2018-05-04 17:03:02

Мамлакатимиз ёшларининг барчаси иқтидорли ва истеъдодли. Бу каби партиямиз ташаббуси билан бўлаётган кўрик-танловлар уларнинг инновацион ғояларини қўллаб-қувватлайди.


Улуғбек Жовлиев Маъмурий-хўжалик ишлари бўлими мудири2018-05-04 12:35:52

O`zLiDeP ташаббуси ташкил этилган "Ёш инновациячи" кўрик танлови ёшларимиз орасида катта қизиқиш уйғотгани қувонарли хол. Ушбу кўрик танлов ташаббускор ва иқтидорли ёшларимизни кашф этилишида самарали хизмат қилмоқда. Кўрик танлов доирасида нафақат марказдаги балки чекка худудлардаги ёшларнинг хам қамраб олинаётгани бу партиямиз томонидан ташкил қилинаётган лойихаларнинг ютуғидир.


Бекметов Қудрат Хоразм вилояти2018-05-04 09:44:59

"Ёш инновациячи" кўрик-танловидаги инновацион ғоялар,рационализаторлик таклифлар, креатив ечимлар амалда қўллаш ва хаётга тадбиқ қилиш учун тадбиркорлар,фермерлар, банклар, компания,вазирликларни жалб қилган холда танлов (ғояни таклиф қилиш ёки сотиш бўйича) масалан "Инновацион ғояларни тадбиқ қилиш" ўтказилса, ташкил қилинган кўрик- танловини мантиқий давоми сифатида ва бу ёш инновациячи учун катта совға, моддий кўмак ва ишончини мустаҳкамлашга туртки бўларди


O'zLiDeP Зарбдор туман Кенгаши аппарат рахбари Ж.Босимов2018-05-03 23:59:11

"Ёш инновациячи" кўрик-танловининг ташкил этилиши, ёшларимизнинг иқтидори намоён қилиниши Ўзбекистон Давлатимизнинг келажаги айнан ёшлар эьканлигидан далолат беради. Ушбу лойихани янада оммавийлаштириш ва ривожлантириш учун унинг қамровини фақат коллеж талабалари эмас балки, ўрта таьлим мактаб юқори синф ўқувчиларини хам иштирокини таьминлаш, уюшмаган ёшлар ўртасида хам тушунтириш тарғибот ишларини олиб бориш менимча мақсадга мувофиқдир.


O`zLiDeP Cурхондарё вилоят Кенгаши ходими Чўтбоев Отабек2018-05-03 19:27:14

"Ёш инновациячи” кўрик-танловининг Урганч шаҳар босқичи иштирокчиларига омад тилайман.


Д.Рахманова-Сурхондаре вилоят Кенгаши2018-05-03 19:12:48

Инновациячи ешларимиз кишлок хужалиги, ишлаб чикариш, сервис ва хизмат курсатиш сохаларида уз гоялари билан кулай ва енгиллик шароитларини яратиб бериши жуда кувонтиради. Лекин, уларнинг муаллифлик хукуки химояланадими, гоялари патентланадими бу борада уларга кандай курсатмалар курсатилади?


Сурхондарё вилоят Кенгаши Бош ҳисобчиси Сирожиддин Соатмуродович Тошпўлатов2018-05-03 19:09:14

Ёшларимизнинг иқтидори ва буюклигининг ҳамда келажакга интилишининг бир кўринишидир.


O’zLiDeP Жиззах вилоят Кенгаши Олим Норжигитов2018-05-03 19:07:46

Ёшларнинг бундай инновацион ғоя ва ташаббуслари мамлакатимизнинг янада ривожланишига муносиб ҳисса қўшади. Агарда биз чекка ҳудудларда қолиб кетаётган ёшларнинг инновацион ғоя ва лойиҳаларини ишлаб чиқаришга жорий этадиган бўлсак жуда кўп натижаларга эришган бўламиз.


Fikringizni qoldiring

+