Mamlakatimiz ijtimoiy-iqtisodiy salohiyatini oshirish, aholi hayot darajasi va farovonligining barqaror o‘sishiga imkon beruvchi faol tadbirkorlikni har tomonlama qo‘llab-quvvatlash va rag‘batlantirish, innovatsion g‘oya va texnologiyalarni joriy etish, aholi o‘rtasida innovatsion tadbirkorlikni ommalashtirish ishlarini samarali tashkil etish, fan va innovatsion faoliyatni jadal rivojlantirish maqsadida "Faol tadbirkorlik va innovatsion faoliyatni rivojlantirish uchun shart-sharoitlarni yaratish bo‘yicha qo‘shimcha chora-tadbirlar to‘g‘risida”gi Prezident qarori qabul qilindi.

Qarorga ko‘ra, iqtisodiyotni modernizatsiya qilish borasidagi sa’y-harakatlarning yanada kuchaytirilishi ishlab chiqarish va xizmat ko‘rsatish sohasida innovatsion jarayonlar uzluksizligini ta’minlash xamda ko‘lamini oshirish bilan tavsiflanadi. Bu esa ishlab chiqarish va xizmat ko‘rsatish korxonalari samaradorligi bevosita fan yutuqlariga asoslangan ishlanmalar, ixtiro hamda loyihalar, ilm-fan yutuqlari bilan chambarchas bog‘liqdir.

Qaror bilan innovatsion loyihalar-startaplarni ishlab chiqish, sinovdan o‘tkazish va o‘zlashtirish, innovatsion faoliyat natijalarini transfer qilish va tijoratlashtirishni amalga oshiruvchi Innovatsion g‘oyalar, ishlanmalar va texnologiyalar markazlarini tashkil etiladi. Bu esa ishlab chiqarish va xizmatlarning yangi va zamonaviy turlarini yaratish, hududlarning salohiyati va resurs bazalarini chuqur tadqiq qilish imkonini beradi. Natijada yangi va talab yuqori bo‘lgan mahsulot (ish, xizmat)larni ishlab chiqarish uchun zamin yaratiladi.

Innovatsion rivojlanish va novatorlik g‘oyalarini qo‘llab-quvvatlash maqsadida tijorat banklari tomonidan innovatsion g‘oyalar, ishlanmalar va texnologiyalarni amalga oshirishda markaz va boshqa tadbirkorlik sub’ektlariga imtiyozli kreditlarni ajratish belgilangani kashfiyotchilarni rag‘batlantirish borasida muhim qadamlaridan biri bo‘ldi.

Xulasa qilib aytgan,  innovatsion g‘oyalar, ishlanmalar va texnologiyalar qo‘llab-quvvatlanishi barcha sohalarni rivojlantirishga xizmat qiladi, ichki va tashqi bozor uchun innovatsion mahsulotlar yetkazib berishga ijobiy ta’sir etadi.

Solijon Mo‘minov,

Xalq deputatlari Namangan viloyat

 Kengashi deputati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!