O‘zLiDeP Buloqboshi tuman Kengashi faollari va partiyaning bir guruh tashabbuskor deputatlari yurt tinchligi, osoyishtaligi yo‘lida jasorat ko‘rsatib, ayni kunda farzandlari, nabira chevaralari davrasida umrguzaronlik qilayotgan tumandagi Ikkinchi jahon urushi qatnashchilari xonadonida bo‘lib, ular bilan dildan suhbat qildilar.

Partiya tuman kengashi faollari, “Nuroniy” jamg‘armasi tuman bo‘limi, Respublika Ma’naviyat va ma’rifat markazi tuman bo‘linmasi vakillarining tashrifi xonadon sohiblarini hamisha e’tibor va e’zozda ekanligidan darak berdi.

Tashrif davomida nuroniylar hamda mehnat faxriylari uchun partiya tuman kengashi tomonidan fayzli dasturxon tashkil etilib, bir piyola choy ustida fidoyi insonlar yodga olindi.

O`zLiDeP Izboskan tuman Kengashi tomonidan o‘tkazilgan xotira tadbiri ham  ko‘tarinki ruxda bo‘lib o‘tdi.

Tadbirda tumandagi yakka-yolg‘izlar, boquvchisini yo‘qotgan oilalar, imkoniyati cheklanganlar holidan xabar olgan partiya tuman kengashi mutasaddilari va deputatlar ularga o‘zlarining qimmatbaho sovg‘alarini topshirdilar.

Muyassarxon UMURZAQOVA,

O‘zLiDeP Andijon viloyat Kengashi

bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!