Jizzaxlik Egamberdi Avlonberdiyev masofadan simsiz elektr energiyasi uzatish qurilmasini yaratdi
10.05.2018, 16:54
O‘zLiDeP Jizzax viloyat Kengashi tomonidan “Yosh innovatsiyachi” ko‘rik-tanlovining Mirzacho‘l tuman bosqichi o‘tkazildi.
Tanlovda ishtirokchilar “Masofadan simsiz elektr energiyasi uzatish qurilmasi”, “Aydar-Arnasoy ko‘llari hududida ekoturizmni rivojlantirish”, “Yangi ko‘rinishdagi maktab o‘quvchilari formalari ishlab chiqarish”, “Yangi tipdagi issiqxona va intensiv bog‘lar barpo etish” kabi yangi innovatsion loyihalari bilan qatnashdi.
Egamberdi Avlonberdiyev Mirzacho‘l agroiqtisodiyot kasb-hunar kolleji o‘quvchisi. Bu yosh ixtirochi bolalikdan yangi innovatsion g‘oyalar ustida ish olib boradi. Uning taqdimoti tanlov ishtirokchilarda katta qiziqish uyg‘otdi va hakamlar hay’ati tomonidan munosib baholandi.
–Tanlovda masofadan simsiz elektr energiyasi uzatish bo‘yicha loyiham bilan ishtirok etdim, – deydi u. – Loyihani yaratishdan maqsad - elektr energiyasi uzilishlarining oldini olish, elektr energiyasini behuda sarfini kamaytirish, sifatli uzilishlarsiz elektr energiyasi yetkazib berishdan iboratdir. Agar ushbu loyiha ishlab chiqarishga va hayotga tatbiq etilsa, behuda elektr energiyasi sarfi kamayadi, kelgusida aholiga va barcha soha tarmoqlariga sifatli uzilishlarsiz elektr energiya yetkazib berishga erishiladi.
Ko‘rik-tanlovda shuningdek, g‘oliblarni aniqlashda nomzodlarning o‘qishdagi muvaffaqiyatlari, ijtimoiy faolligi va iste’dodi, yetakchilik qobiliyati hamda innovatsion g‘oyalar, ishlanmalar va texnologiyalardan foydalanish ko‘nikmalarini qay darajada o‘zlashtira olganligiga ham alohida e’tibor qaratildi.
Tanlovda g‘olib va sovrindorlar O‘zLiDeP tuman Kengashi tomonidan diplom va esdalik sovg‘alari bilan taqdirlandi hamda tanlovning viloyat bosqichiga yo‘llanma oldilar.
O‘zLiDeP Jizzax viloyat Kengashi
matbuot xizmati
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Bildirilgan fikrlar
555552018-06-27 10:41:00
ОТАНГГА РАХМАТ ШАВВОЗ
Сардор Исаев ЎзЛиДеП Янгиобод туман Кенгаши ижрочи котиби2018-05-17 18:43:05
Юртимизда шундай иқтидорли болаларни ўз қобилиятларини намоён этишда "Ёш инновациячи" кўрик танлович яқиндан ёрдам бермоқда. Шундай экан бу каби кўрик танловларни янада кўпайтириш лозим.
Прназаров Бахытбай Базарбаевич2018-05-16 19:13:40
ижтимоий фаол ва истеъдоди, етакчилик қобилияти ҳамда инновацион ғоялар, ишланмалар ва технологиялардан фойдаланиш кўникмаларини бахолаш жараёнида танловнинг туман боскичи иштирокчиларида бошкача бир интилиш ва иштиёкни сездик
Икромжон Мамадолимов Ижрочи котиб2018-05-15 10:44:47
Мамлакатимизда Эгамберди Авлонбердиев каби изланувчан ёшлар жуда ҳам кўп, уларни кашф этишда "Ёш инновациячи" кўрик танлови ёрдам бермокда.
Жиззах шаҳар "Иморат" АДА илмий ишлаб чиқариш тижорат хусусий фирмаси БПТ раиси Азимов Абдухабиб Халимович2018-05-11 17:41:08
Эгамберди Авлонбердиевдек ёшларимиз юртимизни ва вилоятимизни бутун дунёга танитишига ишонч билдираман
Арслонбек Усманов Жиззах вилояти 2018-05-11 15:51:46
“Ёш инновациячи” кўрик-танловининг Ўтказилиши бугунги кунда ёшларга берилаётган имкониятлардан бири. Ёшларимиз мана шундай инновацион технологияларни яратиши келажакда юртимизнинг гуллаб яшнашида, ривожланган давлатлар қаторига қўшилишида ўз хиссасини қўшади. Бундай ёшларимизни қўллаб қувватлаш, рағбатлантириш, молиявий ёрдам кўрсатиш борасида кўплаб ишлар амалга оширилмоқда.
Холмат Тўраев Жиззах вилояти2018-05-11 14:06:38
Ихтирочи ёшлар мамлакат ривожига ўз ҳиссасини қўшмоқда
O`zLiDeP Ангор туман Кенгаши ижрочи котиби Эркин Абдуллаев2018-05-11 10:52:44
“Ёш инновациячи” кўрик-танлови юртимиз ёш ихтирочилари яратган инновацион лойиҳаларни хаётга тадбиқ этилишига ёрдам беришига ишонаман.
Ў.Жингилбоев Жиззах вилоят Зафаробод туман Кенгаши аппарат рахбари2018-05-11 09:46:17
Аввало Ушбу кўрик танловни ташкил етганларга рахмат деймиз, бу танловни ташкил қилиб қанчадан - қанча инновацион ғояси, ихтироси бор, лекин олиб чиқолмаётган ёшларимизга жуда катта имконият деб ўйлайман.
А.Ибрагимов O`zLiDeP Шеробод туман Кенгаши Ёшлар қаноти 2018-05-11 09:13:36
“Ёш инновациячи” кўрик-танловининг Республика босиқичи анчайин қизғин кечадиган кўринади. Ҳақиқатда ғолиб ким бўлиши мени жуда қизиқтирмоқда. Масофадан симсиз электр энергияси узатиш борасида дунё олимлари кўплаб изланишлар ва тажрибалар олиб борилаётганлиги хусусида турли кўрсатувлар ва оммавий аҳборот воситалари орқали қисман танишмиз, “Масофадан симсиз электр энергияси узатиш қурилмаси”ни коллеж талабаси оддий усулда диярли уй шароитида яратганлиги бу жуда катта натижадир.