O‘zLiDePning istiqbolli loyihalaridan biri – “Ishbilarmon ayol”ko‘rik-tanlovining Jizzax shahar bosqichi bo‘lib o‘tdi.

Tanlovda ishbilarmon ayollarning innovatsion g‘oya va texnologiyalarni joriy etish, ishlab chiqarishni mahallashtirish, eksport salohiyatini oshirish, ko‘p tarmoqli ishlab chiqarishni rivojlantirish va doimiy ish o‘rinlari yaratishdagi faolligiga alohida e’tibor qaratildi.

– Asalarichilik, baliqchilik, parrandachilik, bog‘dorchilik va aholiga xizmat ko‘rsatish sohalarida faoliyat olib boramiz, – deydi ko‘rik-tanlov g‘olibi “YeL Diyor” MChJ rahbari Mavjuda Ibragimova. – Hozirga kunda 16 nafar doimiy, 30 nafar mavsusmiy ishchi-xodimni bandligini ta’minlaganmiz. Kelgusida ham rejalarimiz ko‘p. Mahsulotlarni o‘zimizda qayta ishlash loyihasini amalga oshirib, yana qo‘shimcha 10 ta ish o‘rni yaratmoqchimiz.

Tanlovda shuningdek, turli nominatsiyalar bo‘yicha ham g‘olib va sovrindorlar aniqlandi. Xususan, “Tashabbuskor ayol” nominatsiya bo‘yicha Nargiza To‘ychiyeva, “Bitiruvchi qizlarga eng ko‘p ish o‘rni yaratgan ishbilarmon ayol” nominatsiyasi bo‘yicha Sayyora Jo‘rayeva, “Yilning muruvvatli ishbilarmon ayoli” nominatsiyasi bo‘yicha Mapura Rizayeva, “Zamonaviy tadbirkor ayol portreti” nominatsiyasi bo‘yicha esa Dildora Karimovalar g‘olib deb topildi va partiyaning esdalik sovg‘alari bilan taqdirlandi.

Tanlovda “Marjona Qandolat” korxonasi rahbari Dilorom Boboqulova hamda yakka tartibdagi tadbirkor Dilfuza Toshbekovalar tanlovning viloyat bosqichiga yo‘llanmani qo‘lga kiritdilar.

Saida UMARALIYEVA,

O‘zLiDeP Jizzax  viloyat Kengashi

matbuot xizmati kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!