Oliy Majlis Qonunchilik palatasi deputati R.Kusherbayev xalq bilan yaqindan muloqot qilish, ularni o‘ylantirib kelayotgan muammolarni hal etish maqsadida Zangiota tumanidagi “O‘rtaovul” va “Bo‘zsuv” mahallalari aholisi bilan uchrashdi.

Yuzma-yuz muloqot davomida hudud aholisi tomonidan ko‘plab murojaatlar kelib tushdi.

 Masalan, “Olmazor” MFYda yashovchi M.Rihsiboyeva tumandagi imtiyozli uy-joylardan birini olishda, M.Inagamov esa Muqumiy 1, Muqumiy 2 ko‘chalarini ta’mirlash hamda 4-avtobus korxonasiga qarashli 84-yo‘nalishli avtobusni “Obod turmush” MFY xududigacha borishida amaliy yordam so‘radi. Parlament vakili har ikki masala yuzasidan tegishli tashkilotlarga deputatlik so‘rovi yuborish orqali muammoni hal etib berishini ma’lum qildi.  

“Katta Chinor” MFYda yashovchi D.Ibragimova mahalladagi mavjud kanalizatsiya umuman ishlamasligi, yuqori kuchlanishli elektr simlari aholi harakatlanadigan yo‘llarda osilib yotgani, ko‘chalar ta’mirtalab ahvolda ekanidan shikoyat qildi. Xalqning ishonchli vakili bu muammolarni  joyiga chiqib o‘rgandi va deputatlik so‘rovi orqali bartaraf etishga va’da berdi.

– Yuzma-yuz muloqotlar davomida fuqarolar tomonidan turli sohalar bo‘yicha murojaatlar bo‘ldi, – deydi Oliy Majlis Qonunchilik palatasi deputati R.Kusherbayev. – Albatta, murojaatlarning aksariyatini shu yerning o‘zida hal etishga harakat qildik. Lekin aksar muammolarni nazoratga oldik.  Endi tegishli tashkilotlarga deputatlik so‘rovi yuborish orqali ularning yechimini topishga kirishamiz. Aslida uchrashuvdan maqsad ham odamlarni tashvishga solayotgan muammolarni o‘rganish, yechish, odamlarni hayotdan rozi qilishdan iborat edi va bunga oz bo‘lsada erishdik, deb hisoblayman.   

Uchrashuvda hudud aholisi tomonidan kelib tushgan muammolar yechimi yuzasidan tegishli tashkilotlarga deputatlik so‘rovi yuborildi.

 A.TUYChIYEV,

 Toshkent viloyati Kengashi

matbuot xizmati kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!