Xalq deputatlari Zomin tuman kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi. Yig‘ilishda deputatlar tuman Yo‘l qurilish pudrat korxonasi rahbari o‘rinbosari Nodira Xo‘jamqulovaning hisobotini eshitdi.

Hisobotda ta’kidlanganidek, 2017 yilda 405 km umum foydalanuvdagi yo‘llarni saqlash, “Dashtobod-Zomin-Baxmal-G‘allaorol”, “Dashtobod-Soxibkor-Savat” hamda “Dashtobod-Zomin-Baxmal-G‘allaorol” avtomobil yo‘llarini ta’mirlash uchun qariyb 20 milliard so‘m sarflangan. Bundan tashqari, 12 156 839 480 so‘m evaziga A-376 ”Qo‘qon-Jizzax” avtomobil yo‘lida 8km qoplama hamda 3 476 921 191 so‘mga ichki xo‘jalik yo‘llari va massiv yo‘llar ta’mirlandi.

Yig‘ilishda shuningdek, kun tartibidagi ikkinchi masala yuzasidan Zomin tuman Moliya bo‘limi mudiri o‘rinbosari Anvar Do‘stnazarovning hisoboti eshitildi.

–Tumanda 1-chorak uchun harajatlar rejasi 25034.5mln. so‘m deb belgilangan bo‘lsa, daromadlar rejasi uchun 3896.4mln. so‘m, tansfer miqdori uchun esa 20573.1mln so‘m tasdiqlangan edi, – deydi A.Do‘stnazarov. – Mahalliy budjetlarning daromad bazasini mustahkamlash maqsadida 12 turdagi soliq tushumlari foiz ko‘rinishida tuman mahalliy budjetida saqlanishi belgilangan. Shunga ko‘ra, tuman mahalliy budjetida saqlanadigan daromad qismi, 2018 yil 1-chorak uchun soliq va to‘lovlar rejasi 4475.1mln.so‘m ga bajarilib, rejaga nisbatan 114.9 foizga ziyod bajarildi. Bu esa bajarilgan ishlar tuman budjetining daromad bazasini mustahkamlashga xizmat qiladi.

Yig‘ilishda O‘zLiDeP deputatlik guruhi tomonidan xalqaro va mahalliy ahamiyatdagi yo‘llarni sifatli saqlanishi va ta’mirlash ishlarini o‘z vaqtida amalga oshirishga jiddiy e’tibor qaratish lozimligi ta’kidlandi.

Saida UMARALIYEVA,

O‘zLiDeP Jizzax  viloyat Kengashi

matbuot xizmati kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!