1. Bosh sahifa
  2. Partiya yangiliklari
  3. Agrar sohadagi hamkorlik istiqbollari

Agrar sohadagi hamkorlik istiqbollari

24.05.2018, 12:27

Agrar sohadagi hamkorlik istiqbollari

Prezidentimiz Shavkat Mirziyoyevning AQShga rasmiy tashrifi ikki davlat o‘rtasidagi strategik sheriklikning yangi davrini boshlab beruvchi tarixiy voqea bo‘ldi. Bu borada istiqbolli yo‘nalishlardan biri agrar soha rivoji yo‘lidagi o‘zbek-amerika hamkorligidir.

Alohida ta’kidlash joizki, AQSh iqtisodiyotida qishloq xo‘jaligi muhim tarmoqlardan bo‘lib, rivoj­langan agrosanoat tizimiga ega. Uning tashkiliy tuzilmasi uch sohadan tarkib topgan. Birinchi soha qishloq xo‘jaligi uchun ishlab chiqarish vositalari yetkazib beradi va moddiy-texnik xizmat ko‘rsatishni o‘z zimmasiga oladi. Ikkinchi sohaga qish­loq xo‘jalik ishlab chiqarishining o‘zi kiradi. Uchinchi soha esa qishloq xo‘jalik mahsulotlarini iste’molchiga yetkazib berish bilan bog‘liq jarayon, ya’ni mahsulotlarni qayta ishlash, saqlash va sotish masalalarini qamrab oladi.

AQShda davlatning qishloq xo‘jaligiga ta’siri oziq-ovqat mahsulotlariga talabni shakllantirish, ichki agrar bozorning jahon bozori bilan mustahkam aloqasini ta’minlash zarurati, shuningdek, ko‘p miqdordagi o‘rta va kichik tovar ishlab chiqaruvchilarning mavjudligi bilan izohlanadi. Tarmoq infrastrukturasini rivojlantirib borish, fermerlarga muntazam kredit xizmatini ko‘rsatish, ularni o‘qitish ishlari va ilmiy tadqiqotlar natijalarini amaliyotga tadbiq qilishni tashkil qilish, atrof tabiiy muhitning holati bo‘yicha nazoratni amalga oshirish, oziq-ovqat mahsulotlari eksporti va importini tartibga solish mamlakat agrar siyosatining asosiy yo‘nalishlaridir.

Jahon agrar fanida ham AQSh asosiy o‘rinni egallaydi. Bugungi kunda qishloq xo‘jaligi amaliyoti rivoji uchun o‘ta dolzarb bo‘lgan yer va suv resurslaridan unumli foydalanish, tejamkor innovatsion  texnologiyalarni fermer xo‘jaliklariga keng tatbiq qilish bo‘yicha dunyo miqyosida yetakchilikka erishgan mamlakatlar sirasiga kiradi.

Ko‘rinib turibdiki, bu borada ikki mamlakat o‘rtasida olib boriladigan hamkorlikning imkoniyatlari juda keng bo‘lib, uni rivojlantirish O‘zbekiston Liberal-demokratik partiyasi platformasida ilgari surilgan maqsad va vazifalar bilan ham hamohangdir. Ushbu imkoniyatlardan yurtimiz agrar sektori rivojida oqilona foydalanish partiyamiz faollari, shu jumladan, agrar sohada faoliyat yuritib kelayotgan barcha mutaxassislarimiz, ayniqsa, fermerlarimiz uchun o‘zbek-amerika hamkorligi doirasida ko‘plab loyihalarni amalga oshirish uchun mustahkam asos bo‘lib xizmat qiladi.

Dilorom Fayziyeva,

Oliy Majlis Qonunchilik palatasidagi

O‘zLiDeP fraksiyasi a’zosi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Teglar
Fraksiya yangiliklari
  • Ko'rildi
    1687
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Миробод2018-05-25 17:21:51

Олиб борилаётган ислоҳотлар юрт равнақи халқ фаравонлиги учун хизмат қилмоқда

O'zLiDeP Zarafshon shahar bo'limi deputati Kochkanov Shavkat Abdujapparovich.2018-05-25 16:06:32

Prezidentimizning AQSHga rasmiy tashrifi va agrar soha rivoji yo'lidagi o'zbek-amerika hamkorligi qishloq xo'jaligi sohasini yanada yuksalishiga katta turtki bo'lishiga, bunday hamkorlik va dostlik aloqalari yurtimizdagi agrar soha vakillariga turli innovatsion loyihalarni amalga oshirishda katta imkoniyatlar uchun mustahkam asos bo'lishiga ishonamiz.

Ахмат Некбаев. Тадбиркор. 2018-05-25 14:33:53

Авваллари чет элга борсак улардаги плантация, фазендаларни кўриб хавас қилар эдик. Ҳозирда ҳар қандай сайёҳ, чет эллик сармоядор Бизга ҳавас қилаяпти. Президентимизнинг АҚШга қилган сафарларидан кейин бизда қишлоқ хўжалигини юритишнинг янада янгича механизмлари яратилади, экологияни назорат қилиш имкониятларимиз янада кенгаяди. Хорижий давлатларда бизнинг махсулотларга бўлган талаб янада ошади ва Экспорт ҳажми кенгаяди. Чунки, АҚШ дунёда аграр соҳа ривожланишида, озиқ-овқат экспорти ва аграр тизимга кредит бериш ва бошқа кўплаб йўналишларда илгари ўринда туради. Имзоланган Шартномалар ўзининг ижобий натижасини беришига ишонамиз.

Тошкент ш ЁШЛИК Т.Ш .Кенгаши аъзоси2018-05-24 22:50:25

Давлатимизда улкан узгаришларни куришимиз мумкин.Айникса Америка Кушма Штатига Президентиииз Шавкат Миромонович Мирзиёевнинг ташрифи дунё микёсида катта ахамиятга эга вокеа булди.Икки давлат ўртасидаги стратегик шерикликнинг истиқболли йўналишлардан бири аграр соҳа ривожи йўлидаги ўзбек-америка ҳамкорлигини амалга оширилиши ахамиятга эга чора тадбир булди

Тошкент ш ЁШЛИК Т.Ш .Кенгаши Тадбиркорлар муаммосини урганиш грухи аъзоси Акромов А.2018-05-24 21:43:21

Биз тадбиркорларга олиб борилаётган ислохатлар хар тамонлама кулайликларни яратиб бермокда Президентимиз Шавкат Мирзиёевнинг АҚШга расмий ташрифи икки давлат ўртасидаги стратегик шерикликнинг истиқболли йўналишларидан биридир аграр сектори ривожида оқилона фойдаланиш аграр соҳада фаолият юритиш тадбиркорлар учун хам катта шароитлар яратмокда

Тошкент ш ЁШЛИК Т.Ш Кенгаши Ёш либераллар клуби аъзоси2018-05-24 20:59:42

АКШ ва Узбекистон уртасидаги хамкорлик Аграр хужалигида тубдан узгаришларни олиб келади.Бундай хамкорлик Жахон бозорига чикишда анча кулайликларни келтириб чикаради .Биз икки давлат хамкорлигини жуда мамнуният билан карши олдик

Тошкент ш ЁШЛИК Т.Ш .Кенгаши аъзоси Абдулкосимова З.2018-05-24 20:53:53

Биз хар кандай музокараларга очиклик билан карашимизни давлатимиз Президенти курсатиб берди.АКШдавлати билан утказилган музокаралар бунинг исботидир.Эндиликда аграр хужаликларига янги технология асосида ёндошиш ,фермерлар учун анча кулайликларни олиб келади.

Тошкент ш ЁШЛИК Т.Ш .Кенгаши Аёллар каноти аъзоси Усмонова Зиёдахон2018-05-24 20:48:32

Икки давлат уртасидаги шартномаларни тузилиши аграр хужаликда хам сезиларли натижа беришни таъминлайди .Бу эса бизнинг фермерларимиз ракобатбардош махсулотларни етказиб беришда уларни жахон бозорида экспорт килишларига кенг йул очиб беради

Тошкент ш ЁШЛИК Т.Ш .Кенгаши аъзоси Шухратов Ф2018-05-24 20:44:05

Халкимиз орасида катта мавзуга сабаб булган Президентимизнинг АКШ давлатидаги ташрифи кутилган катта натижаларни берди .Айникса стротегик шерикликни йулга куйилиши икки давлат уртасидаги алокаларни яхшиланишига олиб келади.

Яккасарой туман Кенгаши М.Акромов2018-05-24 17:35:46

АҚШ билан стратегик шериклик юқори технологияларни қишлоқ хужалигида жалб қилиш учун зарур.

Fikringizni qoldiring

+

O'xshash yangiliklar