O‘zLiDeP deputatlari ko‘p qavatli uylarning birinchi qavatida MTMni joylashtirish masalasini mahalliy Kengash sessiyaga olib chiqmoqchi
24.05.2018, 15:02
Xalq deputatlari Samarqand shahar Kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi. Yig‘ilishda deputatlar Maktabgacha ta’lim muassasasi Samarqand shahar bo‘limi mudiri Bahrom Mahmatqulovning hisobotini tingladi.
– Bugungi kunda Samarqand shahrida 108 ta maktabgacha ta’lim muassasasi bor, – deydi B.Mahmatqulov. – Ayni chog‘da shahardagi jami 21 ming 301 nafar 3-7 yoshli bolalarning 694 nafari nodavlat, 150 nafari IIBga qarashli MTMlarga, qolganlari esa davlat maktabgacha ta’lim muassasalarida tarbiyalanmoqda. MTMlarda 1375 nafar pedagog xodim faoliyat ko‘rsatmoqda.
Yig‘ilishda Prezidentimizning 2017 yil 30 sentyabrdagi “”Maktabgacha ta’lim tizimi boshqaruvini tubdan takomillashtirish chora-tadbirlari to‘g‘risida”gi Farmoni ijrosi bo‘yicha nodavlat MTM tarmog‘ini kengaytirish bo‘yicha Samarqand shahrida olib borilayotgan ishlar yuzasidan fikr almashildi.
Ta’kidlanganidek, sohada yutuqlar bilan bir qatorda talay kamchiliklar ham borligi qayd etildi. Jumladan, shahardagi MTMlarni oliy ma’lumotli kadrlar bilan ta’minlash, kutubxona tashkil etish, yangi qurilayotgan ko‘p qavatli uylarning birinchi qavatida MTMni joylashtirish borasida bir qator muammolar mavjudligi ta’kidlandi.
Yig‘ilishda mavjud muammolarni Xalq deputatlari Samarqand shahar Kengashining navbatdagi sessiyasida ko‘rib chiqish uchun kelishib olindi.
Baxtigul QARShIYEVA,
O‘zLiDeP Samarqand viloyat Kengashi
matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
Расулов Сайфиддин. Самарқанд вилояти Нуробод тумани ЎзЛиДеП депутатлик гуруҳи ижрочи котиби2018-05-28 09:43:14
Мактабгача таълим тизими узлуксиз таълимнинг бирламчи ва энг асосий бўғинидир. Мутахассисларнинг илмий хулосасига кўра, инсон ўз умри давомидаги барча ахборот ва маълумотнинг 70 фоизини 5 ёшгача бўлган даврда олади. Шу боис болаларнинг соғлом ва билимли, етук кадрлар бўлиб вояга етишида боғча тарбияси жуда муҳим ўрин тутади. Ҳозирги кунда, Нуробод тумани мактабгача таълим бўлими тасарруфида 5 та давлат мактабгача таълим муассасалари фаолият кўрсатаётган бўлиб, МТМлари кесимида жами қуввати 590 ўринни ташкил этади. Мактабгача таълим бўлими тасарруфидаги МТМда 3-7 ёшли болалар 13202 нафар, қамраб олинган 3-7 ёшли болалар 6.4% ни, қамраб олинмаган 3-7 ёшли болалар 93.6% ни ташкил этади. Ўзбекистон Республикаси Вазирлар Маҳкамасининг 2017 йил 19 июлдаги “Мактабгача таълим муассасаларининг фаолиятини такомиллаштириш тўғрисида”ги 528-сонли ҳамда 2017 йил 18 декабрдаги “Ўзбекистон Республикаси Мактабгача таълим вазирлиги ва унинг тизимидаги муассасаларнинг моддий-техник базасини мустаҳкамлаш ҳамда нодавлат мактабгача таълим муассасалари фаолиятини қўллаб-қувватлаш тўғрисида”ги 991-сонли Қарорларига асосан 2018 йилда туманда давлат-хусусий шерикчилиги асосида Нодавлат МТМ тармоғини кенгайтириш бўйича 4 та мактабгача таълим муассасалари қурилиши бошлаб юборилган.
Yazdon Toshonov Kattaqurg'on tuman Kengashi apparat rahbari.2018-05-26 04:11:35
Deputatlarimiz bu masalani sessiyga kiritib ijobiy natijaga erishsalar ,bolajonlarimiz uchun ham,ularning ota onalari uchun ham ajoyib tuhfa bo'lar edi.Ko'plab yangi ish o'rinlari yaratilar edi.
Холмурод Сориев, Халқ депутатлари Нуробод туман Кенгашидаги O'zLiDeP депутатлик гуруҳи раҳбари2018-05-25 19:28:14
Кун тартибига долзарб масала қўйилган ва муҳокама қилинган. Албатта масалани шаҳар кенгаши сессияси даражасига олиб чиқиш ва сессиянинг қарорини қабул қилинишига эришиш, қабул қилинган қарор ижроси устидан фаол тизимли депутатлик назорати ўрнатилиши лозим.
Абдурахмонова Фотима Махмудовна Учкуприк туман Кенгаши аппарат рахбари2018-05-25 17:00:48
Бу ота-оналар учун кулай, болалар учун хавфсизлик таъминланади. Депутатларни ишига мувоффакият тилаймиз.
ЎзЛиДеП Сурхондарё вилоят Кенгаши матбуот котиби МУРОД ЭШНАЗАРОВ2018-05-25 14:24:16
Cамарқандлик депутатлар иш фаолиятига омад тилаймиз.
Д..Абдуллажанова2018-05-25 13:05:30
Ҳозирда бюджет ҳисобидан молиялаштирилувчи МТМлар ўз ҳудудидаги аҳолини қамраб олиши жуда мураккаб масала. Талабга жавоб берадиган шахсий МТМлар сонини кўпайиши яхши, албатта. Бугунги кунда МТМларга кадрларни танлаш масаласи ҳам ўта муҳим.
ЎзЛиДеП Самарқанд вилояти Каттақўрғон туман Кенгаши ижрочи котиби Шобеков Анвар2018-05-25 12:07:12
Депутатлар долзарб масалалардан бирини кўтаришибди, чунки бу тизим кўп йиллар эътибордан четда қолган ва издан чиқган эди
Тошкент ш ЁШЛИК Т.Ш .Кенгаши Хислат БПТ2018-05-24 20:08:56
Махаллаларда болалар учун кулай таълим муассасасини купайиши ота оналар учун анча енгилликларни яратади
Тошкент ш ЁШЛИК Т.Ш .Кенгаши аъзоси Зохидова Малохат2018-05-24 20:06:02
Депутатларимиз долзарб масалани ечимини олдинга суриб уз максадларига эришишга интилмокдалар.Мактабгача таълим муассасасини янада такомиллаштириш долзарб керакли масалалардандир.
Тошкент ш ЁШЛИК Т.Ш .Кенгаши Фаоли Янгибоев Нурбек2018-05-24 19:38:41
Хозирги кунда депутатларимиз фаоллиги ошгани хаммамизни кувонтирмокда.Керакли муаммоларни эшитувга олиб чикишгани мактовга сазовордир.