“Yosh innovatsiyachi” tanlovi ishtirokchisi rangli toshlardan oshxona va uy jihozlari tayyorlayapti

28.05.2018, 18:40

“Yosh innovatsiyachi” tanlovi ishtirokchisi rangli toshlardan oshxona va uy jihozlari tayyorlayapti

Akbarjon Dadajonov Andijon shahridagi Qurilish va transport kasb-hunar kollejida tahsil oladi. U bolaligidan toshlardan turli asboblar, qurilmalar, qo‘l yuvishga mo‘ljallangan zamonaviy jihozlar yasashga qiziqadi. Yosh yigitning ixtirolari nafaqat o‘quv muassasasi ko‘rgazmalarida, balki viloyat miqyosidagi yoshlar o‘rtasida o‘tkazilib kelinadigan turli tanlovlarda ham namoyish etib kelinmoqda.

O‘zLiDeP Andijon viloyat Kengashi tomonidan o‘tkazilgan “Yosh innovatsiyachi” ko‘rik-tanlovining viloyat bosqichida Akbarjonning ishlari yuqori baholanib, tanlovning faxrli 1-o‘riniga loyiq topildi. Tanlovda viloyatdagi iqtidorli, iste’dodli yoshlardan 42 nafari o‘zining yangi innovatsion loyihalari bilan qatnashdi.

– Mazkur tanlov orqali viloyatdagi barcha kollej o‘quvchilarining ijodiy g‘oyalari va ishlanmalari har tomonlama qo‘llab-quvvatlanmoqda, – deydi O‘zLiDeP viloyat Kengashi raisining yoshlar masalalari bo‘yicha o‘rinbosari Elyorbek Niyazov. – Kelajak egalarining istiqbolli yutuqlarni targ‘ib qilish, ular uchun qulay shart-sharoitlar yaratish, zamonaviy axborot-kommunikatsiya texnologiyalari imkoniyatlarini amaliyotga joriy etish va yanada samarali qo‘llashga e’tiborni kuchaytirish asosiy vazifamizga aylangani ham bugungi tanlovda o‘z isbotini topdi.

Tanlovda Akbarjon Dadajonovdan tashqari, Andijon shahridagi Milliy hunarmandchilik kasb-hunar kolleji o‘quvchisi Muslima Mirzayeva va Paxtaobod Yengil sanoat kasb-hunar kolleji o‘quvchisi Yodgorbek Urayimovlar ham respublika bosqichiga yo‘llanmani qo‘lga kiritdi.

Nozimjon ERGASHEV,

O‘zLiDeP Andijon viloyat Kengashi

 apparat rahbari

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1020
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Абдуллаев Дилшодбек - O’zLiDeP Андижон вилоят Кенгаши бўлим мудири 2018-05-30 11:33:05

Ёшлар келажагимиз эгаларидир.Лекин бугунги ёшларни яратувчанлиги ва иқтидорларига қойил қолмай илож йўқ.Бундай иқтидорли ёшларни эса қўллаб кувватлаш шу куннинг талабидир.Яратувчан ёшлар сафи кўпаяверсин.


O’zLiDeP Жиззах вилоят Кенгаши Олим Норжигитов2018-05-29 18:52:52

"Ёш иновациячи" кўрик танлови ёшларнинг инновацион лойиҳаларини ишлаб чиқаришга жорий этишга катта ёрдам беради.


Равшанов Шерзод Тўйчиевич O‘zLiDeP Қарши туман Кенгаши ижрочи котиби. 2018-05-29 15:53:45

Ёш иннаватсиячи кўрик танловининг Қашқадарё вилоят босқичида 6 та янги лойихаси билан иштирок этган, Қарши туман Қовчин қишлоқ хўжалик касб-ҳунар коллежи талабаси Достонбек Холбоев фахрли биринчи ўринни эгаллаб Республика босқичида қатнашиш имкониятини қўлга киритди. Достонбекка Республика босқичида омад тилаб қоламиз.


Сергели Тумани фаоли Н.Ғофуров2018-05-29 14:41:38

OzLiDeP Ёшлар қаноти томонидан ўтказилган "Ёш иновациячи" кўрик танловини вилоят босқичида иштирок этиб, Республика босқичига йўлланма олган ёшларга Республика босқичида хам фахрли биринчи ўринни олиб, келишларига ишонамиз хамда омад тилаб қоламиз.


Сергели тумани фаоли М.Нурматова2018-05-29 14:39:56

Ёш инновациячи” кўрик-танловининг вилоят босқичидаги ғолибларга келгусидаги ишларига омад ёр бўлсин


Матлуба Жўраева Сурхондарё вилоят Кенгаши "Аёллар қаноти" бўлим мудири 2018-05-29 12:30:01

Лойиха доирасида тадбирлар яхши ташкиллаштирилган.


Улуғбек Ишанходжаев - O'zLiDeP Тошкент шаҳар Кенгаши аппарати бўлим мудири2018-05-29 11:44:08

Ўзбекистон ёшлари салоҳиятли ва ижодкор ёшлардир. Чунки, бизнинг юртимиздан кўплаб дунё таниган буюк даҳолар, олимлар, авлиёлар, ижодкорлар, шоиру-ёзувчилар ўтишган. Уларнинг қони бизнинг ёшлармизда бисёр. Ёшлармиз уларнинг давомчиларидир. Ёшлармиз замон билан ҳамнафас бўлиб ўз ихтиролари, фанга бўлган қизиқишлари билан фаоллашиб бормоқдалар. “Ёш инновациячи” кўрик-танловида ўз ихтиролари билан иштирок этаётган ёшлармизга қойил қолмоқдамиз. Уларга омад, келгусида машҳур ихтирочи ёки олим бўлиб етишлари учун тинимсиз меҳнат, ғайрат ва муваффақиялар тилаб қоламан. Соғ-омон бўлинг қадли ёшлар.


O`zLiDeP Сурхондарё вилоят Кенгаши Ёшлар билан ишлаш бўлими мудири Зебинисо Сапарова Давлат қизи2018-05-29 10:33:50

“Ёш инновациячи” танлови сабаб, юртимиздаги инновациячи ёшларнинг иқтидори партиямиз томонидан қўллаб-қувватланишига асос бўлмоқда.


Олтибоев Ўрол,Сурхондарё. партиянинг Мафкуравий,ташвиқот-тарғибот ишлари бўйича бўлим мудири2018-05-29 10:19:36

Ёшлар ташаббускор бўлишлари лозим.Ана шунда жамият ривожланади.


O‘zLiDeP Олтинсой туман Кенгаши ижрочи котиби Ш.Худайқулова2018-05-29 10:16:11

Ёш инновациячи” кўрик-танлови уюшкоклик билан ташкил этилиб, ихтидорли ёшлар фаол иштирок этмоқда.


Fikringizni qoldiring

+