Bekobodlik Ug‘uloy Mirzamurotova “Zulfiya-Bonu-Chevar” xususiy korxona rahbari. Ayni chog‘da u rahbarlik qilib kelayotgan korxonada 15 nafardan ortiq ishchi-xodim mehnat qilmoqda. Lekin tinib-tinchimas bu tadbirkor ayol faoliyatini yanada kengaytirib, qo‘shimcha ish o‘rni ochish niyatida.    

Shu maqsadda u O‘zLiDeP Toshkent viloyat Kengashi tashabbusi bilan shahardagi “Jomiy” MFYda joylashgan 9 MTM binosini “nol” qiymatda xarid qilib, xususiy korxona daromadidan tushgan 150 mln. so‘m evaziga mazkur muassasani  qaytadan ta’mirladi.

– Yangi barpo etilgan xususiy MTMda 10 ta yangi ish o‘rni yaratildi, – deydi tadbirkor. – Shu bilan birga, bu yerda 30 nafardan ortiq bolajonlar tarbiyalanmoqda. Ularning bo‘sh vaqtini mazmunli o‘tkazish uchun esa o‘zbek, rus va ingliz tillari, gimnastika, raqs, shashka, rasm chizish to‘garaklari tashkil etilgan. Kelgusida ham rejalarimiz ko‘p. Tijorat bankidan 300 mln. so‘m kredit olib, MTMni yangi zamonaviy o‘yinchoqlar, o‘quv qurollari bilan ta’minlamoqchimiz.

A.TUYChIYEV, 

O‘zLiDeP Toshkent viloyat Kengashi

matbuot xizmati kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!