O‘zLiDeP Qashqadaryo viloyat Kengashi tomonidan “Yangi avlod kadrlari” loyihasi doirasida davra suhbati tashkil etildi.

Tadbirda so‘z olgan partiya viloyat Kengashi apparat rahbari A.Sherov va boshqalar yoshlarga mamlakatimizda amalga oshirilayotgan islohotlarda siyosiy partiyalarning o‘rni va roli to‘g‘risida ma’lumotlar berish barobarida ushbu loyihaning mazmun-mohiyati haqida batafsil ma’lumotlar berdi.             

Ta’kidlandiki, bugungi globallashuv jarayonida va siyosiy partiyalar o‘rtasida raqobat tobora kuchayib borayotgan bir davrda hududiy partiya tashkilotlari ijroiya apparatlariga siyosiy jihatdan yetuk, partiyaviy ishlarni tashkil etish masalalarida davr talablariga javob bera oladigan, yetarli malakaga ega bo‘lgan kadrlarni tanlash hamda ularni joy-joyiga qo‘yish ishlarini yanada takomillashtirish muhim ahamiyat kasb etadi.

O‘zLiDeP Qashqadaryo viloyat Kengashi huzuridagi Siyosiy ta’lim markazi rahbari O.Mavlonov partiyaning dastur va ustavida keltirilgan ustuvor maqsad va vazifalar hamda ularning Harakatlar strategiyasiga muvofiqligi, mamlakatimizda amalga oshirilayotgan islohotlarda partiya va uning elektorat vakillari bo‘lmish tadbirkorlarning roli to‘g‘risida ma’lumotlar berdi va yoshlarni yurtimizda amalga oshirilayotgan islohotlarda faol bo‘lishga chaqirdi.

Tadbir so‘nggida Qarshi davlat universitetida tahsil olayotgan bitiruvchi talabalardan 10nafarga yaqin yoshlar zahiraga olindi.

O‘zLiDeP Qashqadaryo viloyat

 Kengashi matbuot xizmati

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!