Qishloq xo‘jaligida tadbirkorlar uchun qo‘yilgan yana bir cheklov olib tashlandi

04.06.2018, 11:17

Qishloq xo‘jaligida tadbirkorlar uchun qo‘yilgan yana bir cheklov olib tashlandi

Joriy yilning 29 may kuni Prezidentimizning “Qishloq xo‘jaligi mahsulotlari ishlab chiqaruvchilarga mexanizatsiya va servis xizmatlarini ko‘rsatish samaradorligini oshirish bo‘yicha qo‘shimcha chora-tadbirlar to‘g‘risida”gi qaroriga binoan 2018 yilning 1 iyulidan boshlab yakka tartibdagi tadbirkorlarga qishloq xo‘jaligi mahsulotlarini ishlab chiqaruvchilarga mexanizatsiya va servis xizmatlari ko‘rsatish faoliyatini amalga oshirishga ruxsat berildi.

Aytish joizki, bu boradagi cheklovlarning olib tashlanayotgani birinchi navbatda mazkur xizmatlar bozorining tezkor rivojlanishiga va qishloq xo‘jaligi yerlarining zarur texnika bilan keng qamrab olinishini ta’minlaydi.

Qolaversa, qarorda joriy yilning 1 noyabridan mashina-traktor parklarini boshqarishning eng samarali shaklini tanlash bo‘yicha eksperiment o‘tkazish belgilandi. Unga ko‘ra “O‘zagroservis” aksiyadorlik jamiyatining 26 ta mashina-traktor parki tadbirkorlik sub’ektlariga sotiladi. Shuningdek, “O‘zagroservis” AJning 3 ta mashina-traktor parkini davlat unitar korxonalariga aylantirish ko‘zda tutilmoqda.

E’tiborlisi, tadbirkorlik sub’ektlarining mashina-traktor parklari faoliyatiga faol jalb etilayotgani, ularni rivojlantirish va modernizatsiya qilish samaradorligini oshirishga xizmat qiladi.

Qarorning yana bir ahamiyatga molik jihati Savdo-sanoat palatasi va O‘zbekiston fermer, dehqon xo‘jaliklari va tomorqa yer egalari kengashiga qishloq aholisini qishloq xo‘jaligi mahsulotlari ishlab chiqaruvchilarga mexanizatsiya va servis xizmatlarini ko‘rsatish bo‘yicha faoliyatga jalb etish bo‘yicha keng qamrovli tushuntirish ishlarini olib borish, shuningdek, ularga o‘z faoliyatlarini tashkil etishda amaliy yordam ko‘rsatish vazifasi yuklandi.

Bilamiz, yuqorida tilga olingan har ikki tashkilot O‘zLiDePning yaqin hamkorlaridan sanaladi. Shu bois, qarorda ko‘zda tutilgan ushbu normani asosiy elektoratimiz hisoblangan tadbirkorlarga tushuntirish partiya tizimidagi barcha faollar zimmasiga alohida mas’uliyat yuklaydi, desak adashmaymiz. Zero, O‘zLiDeP dasturida alohida qayd etilganidek, partiya mamlakatimizning agrar sohadagi munosabatlarini takomillashtirish, fermer va dehqon xo‘jaliklarining rivojlantirilishini qo‘llab-quvvatlaydi va bu islohotlarni amalga oshirishda faol ishtirok etadi. Partiya qishloq xo‘jaligidagi muammolarni hal etmasdan turib, iqtisodiy islohotlarni muvaffaqiyatli davom ettirib bo‘lmaydi, deb hisoblaydi.

Shuningdek, qarorda qishloq xo‘jaligi texnikasi uchun import qilinadigan ehtiyot qismlarni bevosita ishlab chiqaruvchilardan xarid qilish tizimini joriy etish, o‘zaro manfaatli shartlar asosida O‘zbekiston Respublikasiga qishloq xo‘jaligi texnikasining yangi ilg‘or ishlab chiqaruvchilarini jalb qilish masalalariga ham alohida urg‘u berilgan. Bu amalda qishloq xo‘jalik texnikasi va uning ehtiyot qismlariga bo‘lgan narxlarni optimallashtirish, shuningdek, o‘zaro manfaatdorlik shartlari asosida mamlakatga yangi ilg‘or ishlab chiqaruvchilarni jalb qilishni ta’minlaydi.

Umuman olganda, ushbu qaror qishloq xo‘jaligi mahsulotlarini ishlab chiqaruvchilarga mexanizatsiya va servis xizmatlari ko‘rsatishning yagona tizimini shakllanishiga olib keladi.

Rahmatulla Kamolov

O‘zLiDeP Farg‘ona viloyat

Kengashi raisi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    557
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Ш.Бўронов Когон тумани Кенгаши раис ўринбосари-аппарат рахбари2018-06-05 09:13:32

Туман ММТПга юқори унумдорликга эга бўлган комбайн ва ушбу сув танкиз бўлган йилда ғузага суспензия ишлови бериш учун 16та ОВХлар олинди ва фермер хўжалик ва томарка ер эгаллари ерларга хизмат кўрсатиб дехконларга кўмакдош бўлмоқда.


З.Рахмонова Қува тумани Кенгаши раис ўринбосари-аппарат рахбари2018-06-05 08:58:30

“Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарорига биноан 2018 йилнинг 1 июлидан бошлаб якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилиши айнан вақтида чиқарилган қарор, бу қарорни ижросини таъминланиши янги шиш ўринлари яратилишига йўл очади бандлик масалаларини ечимига асос бўлади.


Навоий вилояти Ч.Раджабов 2018-06-04 17:53:17

Юртимизда қишлоқ хўжалигидаги тадбиркорларга жуда катта имкониятлар ва енгилликлар берилмоқда.


Термиз шаҳар кенгаши аппарат раҳбари Абдуҳамид Ойтуганов2018-06-04 17:26:37

Тадбиркорлик субъектларининг машина-трактор парклари фаолиятига фаол жалб этилаётгани, уларни ривожлантириш ва модернизация қилиш самарадорлигини оширишга хизмат қилиш билан бирга бу каби қулайликларнинг яратилиши тадбиркорларни қувонтиради. Бироқ ,қишлоқ хужалигида катта миқиёсда аграр реформаларни ўтазмасдан туриб бирор натижага эришиб булмайди!!!! Кўпроқ


Қурбонова Зебинисо 2018-06-04 17:04:13

“Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарорига биноан 2018 йилнинг 1 июлидан бошлаб якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилди. Бундай имкониятлардан самарали фойдаланиш керак.


Аслиддин Аптаров O`zLiDeP Навоий вилоят Кенгаши ходими2018-06-04 16:57:04

Президентимизнинг “Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарорига кура 2018 йилнинг 1 июлидан бошлаб якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилганлиги нафақат қишлоқ хужалигининг ривожига балки ушбу соҳада якка тартибдаги тадбиркорликнинг ривожланишига жуда катта имконият яратилган.


А. Зиёдуллаев Шеробод туман Кенгаши депутати2018-06-04 16:45:43

“Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарорига биноан 2018 йилнинг 1 июлидан бошлаб якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилди. Бундай имкониятлардан самарали фойдаланиш керак.


Ш. Шайманов O`zLiDeP Шеробод туман Кенгаши депутатлик гурухи аъзоси 2018-06-04 16:43:46

Қишлоқ хўжалиги техникаси учун импорт қилинадиган эҳтиёт қисмларни бевосита ишлаб чиқарувчилардан харид қилиш тизимини жорий этиш, ўзаро манфаатли шартлар асосида Ўзбекистон Республикасига қишлоқ хўжалиги техникасининг янги ишлаб чиқарувчи-ларини ривожлантирилишини қўллаб-қувватлаш лозим.


Ж.Қувватов Шеробод туман Кенгаши депутати2018-06-04 16:39:41

“Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарори фермер ва деҳқон хўжаликларини ривожланишига, қишлоқ хўжалиги техникасининг янги илғор ишлаб чиқарувчиларини жалб қилиш масалаларига қаратилганлиги соҳа вакиллари учун катта аҳамиятга эга қарор ҳисобланиши табиий. Бу каби имкониятлар қишлоқ хўжалиги ходимларига ёрдам бўлади.


Чулиева Мархабо. Самарқанд вилоят Кенгаши2018-06-04 16:26:53

Якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилганлиги нафақат қишлоқ хўжалигида тадбиркорлик фаолияти билан шуғулланувчи тадбиркорларга балки барча учун жуда катта имкониятлар ва енгилликлар яратади.


Fikringizni qoldiring

+