O‘zLiDeP Xorazm viloyat Kengashi tomonidan Urganch shahridagi  “Xorazm issiqlik manbai” AJda shu mavzuida amaliy muloqot tashkil etildi.

Unda Xalq deputatlari shahar Kengashidagi partiya deputatlik guruhi a’zolari, DXX xodimi, Urganch tumani Bosh imom-xatibi yordamchisi hamda  keng jamoatchilik vakillari ishtirok etdi.

–Partiyamizning asosiy maqsadlaridan biri inson ma’naviy salohiyatining uzluksiz o‘sishini ta’minlashdan iborat, – deydi Xalq deputatlari Urganch shahar Kengashidagi partiya deputatlik guruhi rahbari Nigora Qo‘shchanova. – Shu boisdan yoshlarni milliy va umuminsoniy qadriyatlar ruhida tarbiyalash borasida amalga oshirilayotgan keng qamrovli ishlarni davom ettirish va yangi bosqichga olib chiqish, ularni milliy mentalitetimizga yot bo‘lgan zararli ta’sir va oqimlardan himoya qilish masalasiga alohida e’tibor qaratmoqdamiz. Chunki zamonaviy bilimlarga ega, mustaqil fikrlovchi yoshlarni tayyorlashda har birimiz mas’uliyat bilan yondashishimiz va bu borada joylarda targ‘ibot va tashviqot ishlarini olib borishimiz bugungi kunning talabidir.

Tadbirda so‘zga chiqqan Urganch tumani Bosh imom-xatibi yordamchisi A.Atajanov va boshqalar viloyatda salbiy illatlar domiga tushgan ayrim yoshlarning hayoti haqida gapirib, barchani bu borada o‘ta mas’uliyatli, e’tiborli munosabatda bo‘lishga chaqirdi.

                                                                      Doniyor JUMANIYAZOV,

O‘zLiDeP Urganch shahar Kengashi

apparat rahbari

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!