Xalq deputatlari Kattaqo‘rg‘on tuman kengashidagi O‘zLiDeP deputatlik guruhining navbatdagi yig‘ilishi bo‘lib o‘tdi.

Yig‘ilishda tuman mehnat va aholini ijtimoiy muhofaza qilish markazi rahbari v.v.b N.Shakarovning hisoboti tinglandi.

N.Shakarovning aytishicha, davlatimiz rahbarining joriy yil 16-17 mart kunlari Samarqand viloyatiga tashrifi davomida bergan topshiriqlariga muvofiq, jami 8175 ta ish o‘rni yaratish belgilangan. Bu borada sohalar kesimida yangi ish o‘rinlari yaratish reja-grafigi ishlab chiqilgan hamda ular tizimli ravishda bajarib kelinmoqda.

– Joriy yilda qishloq xo‘jaligi sohasini rivojlantirish yo‘nalishida mahsulotni tayyorlash, saralash, sovitish va jo‘natishni o‘z ichiga olgan logistika markazi tashkil etilib, 50 ta yangi ish o‘rni yaratiladi, – deydi N.Shakarov – Ushbu logistika markazi majmuasida 7,4 gektar intensiv uzumzor barpo etiladi. Mazkur loyiha “Kishmish vostoka” MChJ tomonidan amalga oshirilmoqda. Shu bilan birga Yangiobod massivi hududida “Kattaqo‘rg‘on uzum eksport” korxonasi tomonidan uzumchilikka asoslangan meva-sabzavot klasterini tashkil etish yuzasidan amaliy choralar ko‘rilyapti. Qolaversa, lalmi yer maydonlarini o‘zlashtirish hisobidan har biri o‘rtacha 5 gektardan jami 3.5 ming gektar maydonda eksportbob kishmish yetishtirishga ixtisoslashgan 700 ta fermer xo‘jaliklari tashkil etilib, 3.5 mingdan ziyod ish o‘rinlari yaratiladi. Bundan tashqari, aholi xonadonlarida jami 10 ming sotix maydonda har biri 2 sotixdan iborat bo‘lgan 5 mingta issiqxonalar tashkil etiladi va 5 ming kishining bandligi ta’minlanadi.

Yig‘ilish kun tartibida ko‘rilgan masalalar yuzasidan Xalq deputatlari Kattaqo‘rg‘on tuman Kengashidagi partiya deputatlik guruhining tegishli qarori qabul qilindi.

Baxtigul QARShIYEVA,

O‘zLiDeP Samaqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!