Aholining ijtimoiy zaif qatlami bandligini ta’minlagan tadbirkorlarga qanday imtiyozlar berilmoqda?

12.06.2018, 15:59

Aholining ijtimoiy zaif qatlami bandligini ta’minlagan tadbirkorlarga qanday  imtiyozlar berilmoqda?

Davlatimiz rahbari tomonidan shu yilning 11 iyun kuni imzolangan “Aholining ijtimoiy zaif qatlami bandligini ta’minlashni rag‘batlantirishning tashkiliy chora-tadbirlari to‘g‘risida”gi qarori muvofiq joriy yilning 1 avgustidan boshlab:

 – alohida toifadagi tadbirkorlik sub’ektlariga davlat mulki ob’ektlarini “nol” qiymatda sotish bo‘yicha o‘tkaziladigan tanlov savdolarida bitim tuzish bo‘yicha ustuvorlik huquqi;

– davlat mulki ob’ekti uchun ijara to‘lovini eng kam ijara to‘lovi stavkasini 50 foizi miqdorida to‘lash;

– aylanma mablag‘ini to‘ldirish uchun – uch oylik imtiyozli davr bilan 18 oygacha muddatga, asbob-uskunalar va sarflash materiallari xarid qilish uchun – olti oylik imtiyozli davr bilan 3 yil muddatga kreditlar ajratish bo‘yicha imtiyozlar berilmoqda. E’tiborga molik jihati, O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat jamg‘armasi ushbu bandda nazarda tutilgan kreditlar bo‘yicha foizlarni to‘lash uchun kompensatsiya hamda majburiyatlar ta’minoti yuzasidan kafillik beradi.

O`zLiDePning bu boradagi dasturiy maqsad vazifalaridan kelib chiqib shuni aytish mumkinki, mazkur qaror aholining ehtiyojmand qatlamlarini, nafaqaxo‘rlar, ayniqsa nogironlarni aniq yo‘naltirilgan himoya va ijtimoiy qo‘llab-quvvatlashning amaliy tizimini shakllantirish, nogironlar o‘zlarini jamiyatning to‘laqonli a’zosi deb hisoblaydigan zarur shart-sharoitlar yaratish, tadbirkorlik sub’ektlarining aholining ijtimoiy zaif qatlamini, jumladan, nogironligi bo‘lgan shaxslarni mehnat faoliyatiga jalb etish imkoniyatlaridan to‘liq foydalanish imkonini beradi.

Oldimizda qarorning shu va boshqa  jihatlarini, umuman olganda, uning mazmun-mohiyatini aholi hamda tadbirkorlik sub’ektlariga yetkazish vazifasi turibdi. Negaki, bu yo‘nalishda tadbirkorlar va aholini qiziqtirgan, o‘ylantirayotgan savollar, muammolar yo‘q emas.  

Qarorda shuningdek, tegishli vazirlik va idoralar zimmasiga qator vazifalar yuklandi. Xususan, O‘zbekiston Respublikasi Iqtisodiyot vazirligi manfaatdor vazirliklar va idoralar bilan birgalikda ilg‘or xorijiy tajriba va milliy amaliyotni chuqur o‘rganish asosida ijtimoiy tadbirkorlik sub’ektlarini aniqlashning tartibi va mezonlarini, ularning huquqlari, majburiyatlari va faoliyati erkinligi kafolatlarini nazarda tutuvchi tegishli normativ-huquqiy hujjat loyihasini tayyorlash topshirildi.

Shuningdek, 2018 yil 1 sentyabrga qadar O‘zbekiston nogironlar jamiyati, O‘zbekiston ko‘zi ojizlar jamiyati, O‘zbekiston karlar jamiyati korxonalariga tegishli ishlab chiqarish ob’ektlari holatini yaxshilash va ularga biriktirilgan yer maydonlaridan oqilona foydalanish bo‘yicha aniq chora-tadbirlardan iborat “Yo‘l xaritasi” ishlab chiqiladi.

Akbar MUZAFFAROV,

O‘zLiDeP Siyosiy Kengashi Ijroiya qo‘mitasi

mas’ul xodimi

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    125
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Sodiq2018-07-13 11:44:45

Аҳолининг ижтимоий заиф қатлами бандлигини таъминлаш бўйича кимда қандай таклифлар бор?


Шамшод Жафаров 2018-06-13 10:12:11

Республикамизда барча инсонлар бир манфаат йўлида бирлашмоқда.У хам бўлса халқ манфаатлари шундай екан у хох соғлом,хох ижтимоий химояга мухтож бўлсин .Шу боисдан,халқ учун хизматга шайланибтими уларга омад ёр бўлсин!


Навоий вилояти Ч.Раджабов 2018-06-12 16:57:29

Ижтимоий ҳимояга муҳтожларни қўллаб-қувватласак улар ҳаётда ўз ўринларини эгаллашлари аниқ.


Турдиев Асадулло Термиз туман Кенгаши ижрочи котиби 2018-06-12 16:49:07

Ахолини ижтимоий заиф қатламини иш билан бант қилиш бу тадбиркор учун кенг имконятлар демактир .


Хоразм вилояти Гурлан тумани Кенгаши аппарат рахбари Р.Каримов2018-06-12 16:33:50

O`zLiDePнинг бу борадаги дастурий мақсад вазифаларидан келиб чиқиб шуни айтиш мумкинки, мазкур қарор аҳолининг эҳтиёжманд қатламларини, нафақахўрлар, айниқса ногиронларни аниқ йўналтирилган ҳимоя ва ижтимоий қўллаб-қувватлашнинг амалий тизимини шакллантириш, ногиронлар ўзларини жамиятнинг тўлақонли аъзоси деб ҳисоблайдиган зарур шарт-шароитлар яратиш, тадбиркорлик субъектларининг аҳолининг ижтимоий заиф қатламини, жумладан, ногиронлиги бўлган шахсларни меҳнат фаолиятига жалб этиш имкониятларидан тўлиқ фойдаланиш имконини беради.


Қ.Эшқораева Навоий вилояти, Учқудуқ тумани ижрочи котиб2018-06-12 16:33:49

Ғамхўрлик ўзбек халқига хос бўлган энг олийжаноб ҳислатлардан бири десак асло муболаға бўлмайди. Давлатимиз раҳбари томонидан имзоланган “Аҳолининг ижтимоий заиф қатлами бандлигини таъминлашни рағбатлантиришнинг ташкилий чора-тадбирлари тўғрисида”ги қарори фикримизнинг яққол тастиғидир. Ўйлайманки ижтимоий ҳимояга муҳтожларни озгина қўллаб-қувватласак улар ҳаётда ўз ўринларини эгаллашлари аниқ.


Jo'rabek Aslonov, Navoiy viloyati2018-06-12 16:33:17

Ish jarayonida aholining zaif qatlami bilan ko'p marotabalab suhbatlar uyushtirganmiz. Shuni aniq aytishimiz mumkinki, ular istak va xohishlari, qobiliyatlarini ro'yobga chiqarish uchun barcha shart-sharoitlar mavjud.


O’zLiDeP Хива туман Кенгаши раисининг биринчи ўринбосари - аппарат раҳбари Ш.Атажанов2018-06-12 16:33:11

“Аҳолининг ижтимоий заиф қатлами бандлигини таъминлашни рағбатлантиришнинг ташкилий чора-тадбирлари тўғрисида”ги қарори ногиронларни аниқ йўналтирилган ҳимоя ва ижтимоий қўллаб-қувватлашнинг амалий тизимини шакллантириш, ногиронлар ўзларини жамиятнинг тўлақонли аъзоси деб ҳисоблайдиган зарур шарт-шароитлар яратиш, тадбиркорлик субъектларининг аҳолининг ижтимоий заиф қатламини, жумладан, ногиронлиги бўлган шахсларни меҳнат фаолиятига жалб этиш имкониятларидан тўлиқ фойдаланиш имконини беради.


Гулмира Амирова СТМ рахбари Сурхондарё вилояти2018-06-12 16:28:02

“Аҳолининг ижтимоий заиф қатлами бандлигини таъминлашни рағбатлантиришнинг ташкилий чора-тадбирлари тўғрисида”ги қарори ахолининг ижтимоий заиф қатламини хурсанд қилди. Улар хам бошқалар сингари ўз ишларини бошлашлари в фаол бўлишлари учун катта имконият яратилди.


Гулмира Амирова СТМ рахбари Сурхондарё вилояти2018-06-12 16:28:02

“Аҳолининг ижтимоий заиф қатлами бандлигини таъминлашни рағбатлантиришнинг ташкилий чора-тадбирлари тўғрисида”ги қарори ахолининг ижтимоий заиф қатламини хурсанд қилди. Улар хам бошқалар сингари ўз ишларини бошлашлари в фаол бўлишлари учун катта имконият яратилди.


Fikringizni qoldiring

+