25 million so‘mgacha bo‘lgan kreditlar garovsiz beriladi

13.06.2018, 18:15

25 million so‘mgacha bo‘lgan  kreditlar garovsiz beriladi

Aholiga imtiyozli kreditlar ajratish, kasanachilik va mikrofirmalarni tashkil etish orqali qo‘shimcha daromad ishlab topish imkonini yaratish, tadbirkor oilalar ishlab chiqargan mahsulotlari savdosini tashkil qiluvchi bozor infratuzilmasi va servis shoxobchalarini barpo etish, ro‘yxatdan o‘tmay ishlayotgan tadbirkorlik sub’ektlari faoliyatini qonuniylashtirish – Prezidentimizning “Har bir oila – tadbirkor” dasturini amalga oshirish to‘g‘risida”gi Qarori bosh maqsadidir. Bu haqida O‘zLiDeP Siyosiy Kengashi Ijroiya qo‘mitasi tmonidan qaror mazmun-mohiyatini o‘rganishga bag‘ishlangan ochiq muloqotda ta’kidlab o‘tildi.

Ta’kidlanganidek, mazkur dastur mamlakatimizning har bir tuman va shahrida, eng avvalo, olis va tabiiy-iqlim sharoiti og‘ir hududlarda istiqomat qilayotgan aholining moddiy sharoitini yaxshilash, turmush sifati va darajasini oshirish maqsadida ishlab chiqilgan. 

Dasturda aholiga tijorat banklari tomonidan imtiyozli kredit taqdim etish bo‘yicha aniq va sodda me’yorlar belgilangan. Qarorga muvofiq, oilaviy tadbirkorlikni rivojlantirish maqsadida olinayotgan imtiyozli kreditni rasmiylashtirishda ortiqcha qog‘ozbozliq va yugur-yugurlar talab etilmaydi. Qarorga muvofiq, eng kam ish haqining yuz ellik baravarigacha miqdorda bo‘lgan kredit mablag‘lari hududlarni ijtimoiy-iqtisodiy rivojlantirish bo‘yicha sektorlar rahbarlari va mahalla fuqarolar yig‘ini tavsiyanomalari asosida berilishi ko‘zda tutilgan.

Dasturda ilgari tadbirkorlik va daromad keltiradigan mehnat faoliyati bilan shug‘ullanmagan aholi qatlamiga tadbirkorlik ko‘nikmalarini o‘rgatish va tegishli faoliyat turini tashkil qilishga amaliy yordam ko‘rsatishga ham alohida e’tibor qaratilgan. Ushbu tashabbus samaradorligini ta’minlash maqsadida tajribali tadbirkorlarni endigina biznes bilan shug‘ullanishni boshlagan oilalarga biriktirish – mini-klasterlar tashkil etiladi. Qishloq va mahallalarda bo‘sh turgan yer maydonlarini yangi tashkil etilayotgan oilaviy tadbirkorlik sub’ektlariga hech qanday moneliksiz beriladi.

Dasturga muvofiq, Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining birinchi o‘rinbosarlari rahbarligida “Har bir oila – tadbirkor” dasturi doirasida amalga oshirilayotgan ishlarni muvofiqlashtirish bo‘yicha tashkiliy ishchi guruhlar tuzildi. Bundan tashqari, investitsiyalar, innovatsiyalar, xususiylashtirilgan korxonalarga ko‘maklashish, erkin iqtisodiy va kichik sanoat zonalari hamda turizmni rivojlantirish masalalariga mas’ul xodimlar rahbarligida Aholiga tadbirkorlik ko‘nikmalarini o‘rgatish va tavsiyalar berish bo‘yicha maxsus ishchi guruhlar ham faoliyat olib boradi. Ishchi guruhlar zimmasiga tuman va shaharlarda tadbirkorlik faoliyatini rivojlanishi uchun qo‘shimcha chora-tadbirlarni amalga oshirish, yanada qulay ishbilarmonlik muhitini yaratish bo‘yicha takliflar ishlab chiqish, aholiga hisob-kitoblar asosida ishlab chiqilgan turli yo‘nalishlardagi tayyor biznes-rejalarni taqdim etish, tadbirkorlar tomonidan ishlab chiqarilayotgan mahsulotlarni sotish orqali ularning faoliyatiga ko‘maklashish kabi vazifalar yuklatildi. 

Dasturga muvofiq tuzilgan – Hududiy ishchi guruhlar esa bevosita aholi bilan ishlaydigan guruhdir. Hududiy ishchi guruh har bir oila va xonadonni tadbirkorlik bilan shug‘ullanish salohiyati, istak va takliflarni sinchkovlik bilan o‘rganish, ularning tadbirkorlik g‘oyasi va ko‘nikmasini rivojlantirish bilan shug‘ullanadi. Bundan tashqari, tadbirkorlikni yo‘lga qo‘yish istagida bo‘lgan shaxslarga tijorat banklari tomonidan kredit ajratishni tashkillashtirish, aholining shaxsiy tomorqa yer maydonlaridan samarali foydalanish yuzasidan takliflar berish va ularni amalga oshirish ham Hududiy ishchi guruhlarning vazifasidir.

Ochiq muloqotda ta’kidlanganidek, mazkur qaror bevosita O‘zLiDePning dasturiy maqsad-vaziflariga uyg‘un va hamohang. Shu bois qarorda belgilangan har bir vazifa partiyaning barcha tuzilmalari zimmasiga alohida mas’uliyat yuklaydi. Xususan, “O‘zLiDeP boshlang‘ich tashkilotlari o‘z tomorqasida faoliyat boshlaganlarga ko‘makdosh” loyihasini yanada takomillashtirish, loyiha doirasida tadbirkor oilalar safini kengaytirish bo‘yicha aniq taklif-tavsiyalar muhokama qilindi.

Yig‘ilish so‘nggida yurtboshimizning mazkur qaroridan kelib chiqib, partiyaviy loyihalarni tashkiliy-huquqiy jihatdan yanada boyitishga kelishib olindi.

O‘zLiDeP matbuot xizmati

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    7127
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Murodilxon2019-01-24 08:22:02

Javoni qachon aytasizlar


Murodilxon2019-01-24 08:16:29

Oilaviy tadbirkorlikka issiqxona uchun kredit olmoqchiman uni nechchi yilga va uning foizi haqida batafsil malumot olmoqchimanoldindan raxmat.


Murod2019-01-23 21:38:36

Xozir xam 25milon garovsiz kiridit olsa boladimi qanday qilib


Umid2019-01-22 23:40:26

XTB qarashli umumiy o'rta ta'lim maktablarida amaliyotchi psixologlar o'rniga nomutaxasis xodimlarni ishga olish davom etmoqda Bu esa yangi kadr psixologlari ish topisha olmay yurubdi jumladan men ham. Bu masalada kim yordam beradi


Elyor2019-01-18 21:39:58

non va non mahsulotlari bilan tadbirkorlik qillmoqchidim ushanga 50.000000 so'm kredit olishim kerak garovga xech narsam yo'q uzlidepga a'zolik guvohnomam bor


Asqar2019-01-17 22:28:59

Salom men mekro kirdet olmoqchiman 30%Li usha 30%1yilga kupayadimi yo 3yilgami yaney 15milyon olsam foyizi bilan 19.500 1yiga buladimi yo 3yilgami usha kirdetka mashenami zaloka quyib olsam xam buladimi bulsa qanaqa xujatlar tagdim etishim kere


ALisher2019-01-16 10:00:04

Kreditni olish judaham qiyin Qani endi bankga borib 1 kunda kreditni rasmiylashtirib bulsa ish joyidan malumotnoma va pasport nushasi bulgandan keyin.Eskicha ishlashni tuxtataylik muxtaram BANKIRLAR va ustida turgan boyvochchalar ahir oddiy halq aholisiham yaxshi yashagisi keladida.


Dilfuza2019-01-09 19:21:42

Xozir hama joyga tanish bilish lozim. Agar tanishiz yaxwi bolsa kredit olas unda esa yoq.


Dilfuza2019-01-09 19:20:02

To'g'risini etganda xech qaysi bankdan kredit olib bolmaydi qay bankka borme yo 1 yil qattadur iwlawiz kere ili nimaduriz bolish kere zalogga. Nu kredit deb xama joyga yozib qoyiwadi. Agar insonda qolida nimadiri bosa bankdan kredit olib otirmasdi. Xalqimizada xamaham dokumentalniy iwlamidiku axir. Lekin bankka buni tushuntirib bolarmidi. Xozir banklarga borsez hali kreditimiza ochilmagan sizga kimdur kafil boliwi kere ili nimadur qoyishiz kere. Bosh ogru hama. Xozirda magazin ochmoqchiman lekin qolimda pul yoq. Bankdan esa kredit obomidi.


Farrux2019-01-08 16:02:51

Olin bo'mayabdeko' lemit yoq deyabdi banklar hokimyat


Fikringizni qoldiring

+