O‘zLiDeP Toshkent shahar Kengashining qaroriga muvofiq shu kunlarda partiya tuman (shahar) Kengashlarida BPTlarning yig‘ilishlari o‘tkazilmoqda. Yig‘ilishlarda partiya tuman Kengashlari konferensiyalariga delegatlarni saylash hamda xalq deputatlari Toshkent shahar tuman Kengashlari deputatligiga bo‘ladigan saylov kampaniyasida partiyamizning munosib ishtirokini ta’minlash masalalari muhokama qilinmoqda.

Toshkent shahrida ilk bor joriy etilayotgan mazkur saylov yuzasidan tuman partiya tashkilotlarining faol ishtirokida BPT yig‘ilishlari uyushqoqlik bilan o‘tkazilmoqda. Xususan, O‘zLiDeP Shayxontohur tuman Kengashidagi BPT yig‘ilishlari ham samarali tashkil etilmoqda. Tumandagi “Toshissiqquvvati” Davlat ishlab chiqarish birlashmasida o‘tkazilgan BPT yig‘ilishida ham xalq deputatlari Toshkent shahar tuman Kengashlariga bo‘lib o‘tadigan saylovlarga tayyorgarlik ko‘rish masalalari muhokama qilindi.

– Mazkur saylovlar partiyamiz hayotidagi nihoyatda muhim siyosiy sinovlardan biri hisoblanadi, – deydi BPT raisi Nigmatova Fotima – Shuning uchun ushbu muhim siyosiy jarayonda O‘zLiDePning barcha bo‘g‘inlaridagi faollar, shuningdek, elektorat vakillari juda faol qatnashishlari kerak. Zero, saylovlar siyosiy partiyaning jamiyatdagi nufuzi va o‘rnini namoyon etadi.

Yig‘ilishda partiya tuman Kengashi konferensiyasiga 2 nafar vakil saylandi.

O‘zLiDeP Toshkent shahar kengashi

Matbuot xizmati

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!