“O‘zLiDeP boshlang‘ich partiya tashkilotlari o‘z tomorqasida tadbirkorligini boshlaganlarga ko‘makdosh” loyihasi doirasida partiya Qashqadaryo viloyat hamda Koson tuman Kengashi xodimlari, Nartibaland  boshlang‘ich partiya tashkiloti a’zolari bilan birgalikda Nartibaland mahallasida yashovchi O‘zLiDeP a’zosi Eldor Rahimov xonadonida bo‘ldilar.   

Shuni alohida ta’kidlash kerakki, Eldor Rahimov o‘z xonadonida namunali issiqxona tashkil etgan. Mazkur tashrifdan maqsad Nartibaland mahallasida yashovchi aholi o‘rtasida xonadon egasining issiqxona tashkil qilish va uni yuritish bo‘yicha tajribasini ommalashtirish edi.

Tashrif davomida Rahimov Eldor boshlang‘ich partiya tashkiloti a’zolariga o‘z issiqxonasi, unda yetishtirilayotgan mahsulotlar haqida so‘zlab, issiqxonada yetishtiriladigan ekinlar to‘g‘risida amaliy tavsiyalar berdi.

Ishtirokchilar tashrif jarayonida issiqxonadan daromad olish bo‘yicha o‘zlarini qiziqtirgan barcha savollarga javob olishdi.

O‘zLiDeP Qashqadaryo viloyat kengashi

Matbuot xizmati

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!