Yurtboshimizning 12-13 iyun kunlari Farg‘ona viloyatiga tashrif davomida hech bir masala e’tibordan chetda qolmadi. Davlatimiz rahbari  o‘tgan yili 632 ming dollarlik mahsulot eksport qilgan, joriy yilda bu ko‘rsatkichni 800 ming dollarga yetkazishni mo‘ljallayotgan 
Marg‘ilon shahridagi “Narimteks” mas’uliyati cheklangan jamiyatida ham bo‘ldi.

– Prezidentimiz qaysi hududga tashrif buyurmasin, ayollarga bo‘lgan etibori, cheksiz hurmati, tadbirkor xotin-qizlarni ruhlantirib, yangi  maqsadlar sari intilishga undaydi, – deydi korxona ishchisi Muxlisa Vohobjonova. – Yurtboshimizning ayollar tadbirkorligini rivojlantirish uchun yaratib berayotgan imkoniyatlar biz uchun keng imkoniyatlar eshigini ochmoqda. Yana bir muhim jihatga e’tiboringizni qaratsam, yurtboshimizning viloyatimizga tashrifi va va “Har bir oila – tadbirkor” dasturining qabul qilingani mamlakatimizda tadbirkorlikni rivojlantirishga qaratilgan qaror va farmonlari biz ishlayotgan korxona xodimlarining ham ko‘nglini tog‘day ko‘tarmoqda. 

Ta’kidlash kerak, davlatimiz rahbari tomonidan tadbirkorlikni rivojlantirish yo‘nalishida belgilab berilgan vazifalar ijrosini ta’minlashda O’zLiDeP ham salmoqli hissa qo‘shib kelmoqda. Partiya “Ayollar qanoti” xotin-qizlarni tadbirkorligida qo‘llab-quvatlash maqsadida qator loyihalarni hayotga tatbiq etgan. Yaqindagina qabul qilingan “Har bir oila – tadbirkor” dasturi ham partiya “Ayollar qanoti” zimmasiga ulkan mas’uliyat yuklaydi.

Sevara MUSLIMOVA,

O’zLiDeP Siyosiy Kengashi Ijroiya

qo‘mitasi bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!