Hududiy o‘quv-seminarlarning navbatdagisi Andijon viloyatida tashkil etildi

21.06.2018, 17:29

Hududiy o‘quv-seminarlarning navbatdagisi Andijon viloyatida tashkil etildi

Avval xabar berganimizdek, O‘zLiDeP Siyosiy Kengashi Ijroiya qo‘mitasi Siyosiy ta’lim markazi tomonidan partiyaning viloyat, tuman va shahar Kengashlari raisining birinchi o‘rinbosarlari,  mahalliy Kengashlardagi partiya  deputatlik guruhi rahbarlari va ijrochi kotiblari malakasini oshirishga qaratilgan o‘quv-seminarlar o‘tkazilib kelinmoqda.

Mazkur o‘quv-seminarning navbatdagisi Andijon viloyatida tashkil etildi.

Seminarda partiya tuman (shahar) kengashi apparat rahbarlari hamda xalq deputatlari viloyat, tuman Kengashidagi partiya deputatlik guruhi a’zolariga siyosiy partiyalar va deputatlik faoliyatiga doir O‘zbekiston Respublikasi Qonunlari, Prezident Qaror va Farmonlari mazmun-mohiyati haqida kengroq  ma’lumotlar berildi.  

Zuhraxon Xaydarova, Xalq deputatlari Izboskan tuman kengashidagi O‘zLiDeP deputatlik guruhi ijrochi kotibi:

– Bu kabi seminarlar bilim va ko‘nikmalarimizni mustahkamlashda muhim rol o‘ynaydi. Nega desangiz, o‘quvlar davomida deputatlar tashabbuskorligini oshirish, aholi tomonidan ko‘tarilgan muammolar ustidan deputatlik nazoratini o‘rnatish, mavjud muammolar yuzasidan deputatlik so‘rovi yuborish hamda hal etilmagan ayrim muammolarni Oliy Majlis Qonunchilik palatasidagi O‘zLiDeP fraksiyasi orqali hal etish mexanizmlarini o‘rganish imkoniyatiga ega bo‘ldik.  

Boburmirzo Xojiakbarov, O‘zLiDeP Asaka tuman Kengashi apparat rahbari:

–Bizga bunday darslar juda zarur edi. Chunki seminar davomida bilimlarimizni oshirish barobarida o‘z takliflarimizni ham o‘rtaga tashladik. Ochig‘i, shu vaqtga qadar deputatlar bilan ishlash, ularni turli tadbirlarga jalb qilishda turli qiyinchiliklar bor edi. Shu bois mashg‘ulotlar davomida faollikdan yiroq deputatlar bilan qanday ishlash lozimligini ham o‘rganyapmiz. Hattoki, ularning o‘zlarini o‘quvlarga chaqirib bevosita va bilvosita ishladik.

Ulug‘bek Asranov, O‘zLiDeP Shaxrixon tuman Kengashi apparat rahbari:

–Siyosiy elita vakillariga birinchi navbatda notiqlik juda zarur. O‘tayotgan mashg‘ulotlarda nutqimizni charxlayapmiz, notiqlik malakamizni oshiryapmiz. Ochig‘i, mendagi kamgaplik, tortinish siyosiy jarayonlarda doim pand berardi. Amaliy mashg‘ulotlar ana shu kamchilikni bartaraf etishga xizmat qilyapti.

Ha, bunday o‘quv mashg‘ulotlari partiya hududiy Kengashlar xodimlari uchun qator muammolarga yechim topishda muhim ahamiyat kasb etmoqda. Chunki o‘quv mashg‘ulotlari davomida ishtirokchilarga partiya faoliyatiga oid hujjatlar bilan ishlash, partiya targ‘ibotida xodimlarning notiqlik san’ati va nutq madaniyatini o‘stirishga oid zarur tavsiyalar berilayotir.

Nozimjon ERGAShEV,

O’zLiDeP Andijon viloyat

Kengashi apparat rahbari

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

Teglar
STM
  • Ko'rildi
    693
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Зухра Хайдарова Избоскан тумани Ижрочи котиб2018-07-02 14:49:53

Бундай ўқувларнинг бўлиб туриши хаммамизнинг малака махоратимизни оширишга ундайди .


М.Абдиримов ЎзЛиДеП Ҳазорасп туман Кенгаши раисининг биринчи ўринбосари - аппарат рахбари2018-06-26 18:54:14

Ўқув семинари O‘zLiDeP Сиёсий Кенгаши Ижроия қўмитаси Сиёсий таълим маркази томонидан партиянинг вилоят, туман ва шаҳар Кенгашлари учун жуда ўринли ташкил этилдган бўлиб, аппарт ходимлари ва депутатлар ўзларининг сиёсий билим ва малакаларини янада мустахкамлаб баришида жуда катта аҳамиятга эга бўлмоқда.


Гулматова Мухаррам Мархамат туман Кенгаши ижрочи котиби2018-06-26 16:48:13

Сиёсий Кенгаши Ижроия қўмитаси томонидан 2018 йил 19-20-21 июн кунлари Андижон Давлат Университетида туман ва шахар Кенгаши аппарат ходимлари ва депутатлик гурухи рахбарлари учун ўтказилган ўқув семинари жуда қизиқарли тарзда ўтказилди. Бундай ўқув семинарлари кўпроқ амалий тарзда ўтказилса мақсадга мувофиқ бўлар эди


Муяссархон Умурзақова Андижон вилоят Кенгаши мафкуравий ташвиқот тарғибот бўлими мудири2018-06-25 08:37:15

Бундай ўқув машғулотларнинг ташкил қилинаётгани ҳақиқатан ҳам сиёсий элита вакилларининг малакасини оширишда, нотиқлик қобилиятини ривожлантиришда, салоҳиятини юксалтиришда муҳим аҳамият касб этади.


Саидолимов Боходир Хўжаобод туман Кенгаши Аппарат рахбари2018-06-22 15:40:10

O‘zLiDeP Сиёсий Кенгаши Ижроия қўмитаси Сиёсий таълим маркази томонидан партиянинг вилоят, туман ва шаҳар Кенгашлари учун ўтказилган ўқув семинаридан биз билганларимизни такрорлаш билан бирга ўзимизга керакли кўпгина билимларни олдик.Бунинг учун биз мухтарам устозларга Хўжаобод тумани Кенгаши ходимлари ва депутатлари номидан улкан миннатдорчилик билдирамиз.


Сиддиков Камолиддин Хўжаобод туман Кенгаши ижрочи котиби2018-06-22 15:33:02

Биз каби ёш кадрлар учун бундай ўқув семинарлар айни муддао бўлди.Бизга сабоқ бериш мақсадида келган мухтарам устозларга хам юқоридаги фикримизни баён қилиш билан бирга, уларнинг келгусидаги ишларига ривож тилаган холда Андижон вилояти Кенгаши номидан миннатдорчилик билдириб қоламиз.


Хўжаназаров Шухрат Шеробод туман Кенгаши аппарат рахбари2018-06-22 08:22:49

O‘zLiDeP Сиёсий Кенгаши Ижроия қўмитаси Сиёсий таълим маркази томонидан ўтказилаётган ушбу ўқув семинари партиянинг вилоят, туман ва шаҳар Кенгашларидаги депутатлар, аппарт ходимларининг сиёсий билим ва малакаларини янада мустахкамламоқда. Мен ушбу уқув семинаридан жуда кўп зарур маълумотларга эга бўлдим . Шу каби уқув семинарлари кўпроқ ташкил этилса яхши бўларди.


Яҳёбек МУҲТАРЖОНОВ - Халқ депутатлари Асака туман Кенгашидаги O'zLiDeP депутатлик гуруҳи ижрочи котиби2018-06-21 19:48:12

Мен каби ёш мутахассислар учун семинар айни муддао бўлди. Дарс машғулотлари давомида ўрганганларимизни амалиётга жорий этиб, электоратимиз манфаатларини ҳимоя қилишда янги мақсадларди ўз олдимизга қўйдик.


Абдуллаев Дилшодбек - O’zLiDeP Андижон вилоят Бизнес тузилмалари ва фермерлар билан ишлаш бўлими мудири 2018-06-21 19:29:39

Бундай ўқувларни ташкил этилаётгани энг аввало партия ходимлари билим савиясини оширишга қаратилган бўлса кейинги навбатда депутатларни ўз устиларида янада фаоллик билан ишлашлари учун туртки бўлди. Булардан ташқари депутатлик сўровларини қай даражада мухим экани хакида депутатларга тушунчалар берилди.Бундай ўқувлар тез-тез ўтказиб турилиши тарафдориман.


Муаяссар Умрзоқова O'zLiDeP вилоят Кенгаши бўлим мудири2018-06-21 19:28:37

Ушбу семинар машғулотлар айни вақтида ташкил этилди. Халқ депутатлари туман Кенгашларида электоратимиз манфаатларини ҳимоя қилиш ҳар бир депутатимизнинг бугунги кундаги кечиктириб бўлмас вазифаси саналиши сир эмас, албатта.


Fikringizni qoldiring

+