O‘zLiDeP Samarqand viloyat Kengashi tomonidan Kattako‘rpa mahallasidagi “Mamadiyor Do‘stov” baliqchilik fermasida “Tomorqa – beminnat daromad manbai” mavzuida amaliy muloqot tashkil etildi. Unda partiya viloyat Kengashi xodimlari, boshlang‘ich partiya tashkiloti raislari, tadbirkor va fermerlar hamda keng jamoatchilik vakillari ishtirok etdi.

–2009 yildan buyon baliqchilik bilan shug‘ullanaman. Ayni chog‘da 9 gektar yer maydonida 50 ming dona Afrika laqqasi, Amur, Zog‘ora kabi baliq turlari yetishtiryapmiz, –  deydi Mamadiyor Do‘stov. – E’tiborlisi, fermamizda 8 nafar ishchi-xodim doimiy ish bilan band. Ularning har biriga esa 500 ming so‘mdan oylik maosh tayinlaganmiz. Bundan tashqari, yil oxirida ko‘rilgan foydaga qarab 2-3 million so‘mdan qo‘shimcha pul mukofoti berishni joriy qilganmiz.

–Mahallamizda tadbirkor va ishbilarmonlar ko‘pchilikni tashkil etadi. Ular bizning faxrimiz, – deydi “Kattako‘rpa” MFY raisi Abdulhafiz Ashurov. – Bizda ishsiz odamning o‘zi yo‘q. Hamma mehnat bilan band. Shuni evaziga mahallamizda keyingi yillarda ajrimlar, jinoyatlar qayd etilmagan.

Tadbir so‘nggida “Mamadiyor Do‘stov” baliqchilik fermasining 5 nafar ishchisi O‘zLiDeP safiga qabul qilinib, ferma qoshida boshlang‘ich partiya tashkiloti ochildi.

Baxtigul QARShIYEVA,

O‘zLiDeP Samarqand viloyat

 Kengashi matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!