O‘zLiDeP Jizzax viloyat Kengashi “Yoshlar kuni” munosabati bilan “Yoshlar bugungi va ertangi kunimizning asosiy kuchi va tayanchi” mavzuida davra suhbati o‘tkazdi. Unda partiya “Yoshlar qanoti” faollari, kasb-hunar kolleji o‘qituvchilari va o‘quvchilari hamda tadbirkorlik faoliyatini boshlash istagida yurgan yigit-qizlar ishtirok etdi.

Uchrashuvda yoshlarga Prezidentimizning 2017 yil 5 iyuldagi “Yoshlarga oid davlat siyosati samaradorligini oshirish va o‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmon mazmun-mohiyati haqida batafsil ma’lumotlar berildi.

–Tadbir davomida nafaqat mamlakatimizda yoshlarga doir amalga oshirilayotgan islohotlar bilan, balki partiya tomonidan o‘tkazib kelinayotgan turli loyihalar haqida ham aniq ma’lumotlarga ega bo‘ldik, – deydi tadbir ishtirokchisi Malika O‘skanova. – Endi partiya tomonidan o‘tkazilayotgan  tadbirlarda doimiy ishtirok etib tengqurlarim bilan fikr almashish barobarida siyosiy bilimlarimni yanada oshirib boraman.

Shuningdek, tadbir davomida kitoblar ko‘rgazmasi, yosh rassomlarning ijod namunalari, yosh tadbirkor, hunarmand va ixtirochilar tomonidan tayyorlangan mahsulotlar ko‘rgazmasi tashkil etildi.

Saida UMARALIYEVA,

O‘zLiDeP Jizzax viloyat Kengashi

matbuot kotibi

O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!