O‘zLiDeP Angor tuman Kengashi tumandagi “Zartepa” mahallasida sayyor qabul tashkil etdi. Unda hududdagi mutasaddi tashkilot rahbarlari hamda keng jamoatchilik vakillari ishtirok etdi.

Sayyor qabulda hudud aholisi nomidan so‘z olgan Eshmuhammad Boboqulov suyultirilgan gaz ballonlarini yetkazib berishda uzilishlar ro‘y berayotgani va bundan fuqarolar aziyat chekayotganidan shikoyat qildi. Uning murojaati tumangaz korxonasi vakili atroflicha o‘rganilib, yaqin kunlarda hal etiladigan bo‘ldi.

Shu hududda yashovchi Xayitqul Azimov va Raimqul Isayevlar mahalladan o‘tuvchi asosiy magistral M 39 yo‘lidan o‘tish yo‘lakchalari yo‘qligi hamda avtoshohbekat mavjud emasligi bois aholiga ma’lum qiyinchiliklar tug‘dirayotganini bayon qilishdi. Ushbu murojaatni Xalq deputatlari Angor tuman Kengashidagi O‘zLiDeP deputatlik guruhi a’zolari M.Yarmatov va X.Allayarovlar o‘z zimmasiga olib, “O‘zavtoyo‘l” DAKga deputatlik so‘rovi yuborish orqali muammoni hal etib berishni ma’lum qildi.

Shuningdek, Gulbahor Samatovaning ish masalasida qilgan murojaati ham shu yerning o‘zida hal etildi.

 –Ko‘p yillardan buyon ishsizman. Ish so‘rab tegishli tashkilotlarga murojaat  qildim, lekin hozirga qadar natijasi sezilmadi, deydi u. – Oxiri  O‘zLiDeP sayyor qabulida ishtirok etib, yana bir karra murojaat qildim. Mutasaddilarga rahmat, ularning tashabbusi bilan “Zartepa” mahalla fuqarolar yig‘iniga ishga joylashdim.

Sayyor qabulda bildirilgan boshqa murojaatlar ham deputatlar nazoratiga olinib, yechimi  bo‘yicha tegishli vazifalar belgilab olindi.

Erkin ABDULLAYEV,

         O‘zLiDeP Angor tuman

Kengashi ijrochi kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!