Tomorqa bitmas tuganmas xazinadir
27.09.2017, 18:32
Maqsud Jo‘rayevni g‘uzorliklar ilg‘or fermer, O`zLiDeP G‘uzor tuman Kengashining faol a’zosi sifatida hurmat qiladi. U yetakchilik qilayotgan “Po‘latov Asliddin” bog‘dorchilik fermer xo‘jaligi qoshidagi BPT faollari “O`zLiDeP boshlang‘ich partiya tashkiloti a’zolari o‘z tomorqasida tadbirkorligini boshlaganlarga ko‘makdosh” loyihasi doirasidagi tadbirlarda faol ishtirok etishmoqda. Ular ko‘magida yigirmaga yaqin xonadonda kuzgi sabzavot ekishda amaliy yordam berildi.
– Xo‘jaligimizda o‘ttizdan ortiq turdagi mevali va manzarali daraxt ko‘chatlari yetishtiramiz, – deydi BPT yetakchisi Maqsud Jo‘rayev. – Yapon sakurasi va banan kabi daraxt ko‘chatlarimiz ham bor. Loyiha doirasida xonadonlarga ko‘chatlar ham ulashayapmiz. Lalmikor maydonlarda dub, tut va qayrag‘och kabi suvsizlikka chidamli ekinlar ekishni targ‘ib qilayapmiz. Shu bilan birga xonadonlarda issiqxonalar tashkil etish, parrandachilik, mevachilik, uzumchilikni rivojlantirish borasida amaliy yordam berayapmiz.
– Tumanimizda 60 ta boshlang‘ich partiya tashkiloti bor, – deydi partiya G‘uzor tuman Kengashi BPTlar bilan ishlash bo‘yicha bosh konsultanti Lolaxon Ibragimova. – Hozirga qadar 100dan ortiq xonadonlarga kirib, ulardagi ijtimoiy-iqtisodiy ahvol, odamlarning turmush tarzi, bandlik masalalarini o‘rgandik. Eskibog‘ qishlog‘idagi Tursunoy Karimova va O‘rol Hakimovlar xonadoniga kirsangiz, ko‘zingiz yashnaydi. Tomorqada bir qarich ham bo‘sh joy yo‘q. Mevali va manzarali daraxtlar, turli xil sabzavot ekinlarini ekib qo‘yilgani guvohi bo‘lasiz. Mehnatsevar oila sohiblarining tajribasini viloyat bo‘ylab keng targ‘ib qilsak, arziydi. Ammo ular tomorqalarini sug‘orishga suv yo‘qligini aytishdi. Hovuz qurib, sotib olingan suv evaziga daraxt va ekinlarni sug‘orishayotgan ekan. Mazkur muammo yuzasidan tuman hokimligiga deputatlik so‘rovi bilan murojaat etdik. Yaqin orada eskibog‘liklarning ko‘p yillik orzusi ushalsa, ajab emas.
Ta’kidlash kerak, partiya tuman Kengashi tashabbusi bilan tadbirkor va fermerlar tomonidan kam ta’minlangan oilalarga issiqxona qurish, ko‘chat va urug‘lar xarid qilishga ko‘mak berilayapti. Yoshlik mahallasida yashovchi Jamol Farmonov va keroyitlik Shaydo Jabborovaga limon ko‘chatlari va issiqxona uchun qurilish materiallari olib berildi. Keroyit qishlog‘ida yashovchi Gulshana Abdunazarovaning tomorqadan unumli foydalanish bo‘yicha tajribasi tuman xotin-qizlari va uyushmagan yosh qizlar bilan bo‘ladigan muloqotlarda keng targ‘ib qilinayapti. Yil davomida xonadonida ko‘katlar yetishtirib, bozorga chiqarayotgan Gulshananing yillik daromadi yigirma million so‘mdan kam emas.
Muloqotlar davomida partiyamiz tomonidan o‘tkazilayotgan loyihaning mazmuni va maqsadi, tomorqa xo‘jaligini rivojlantirish oilalar ma’murligini oshirishda yaqindan yordam berishi, yerdan unumli foydalanish oila iqtisodini yuksaltirishda yaqindan yordam berishi tushuntirilayapti.
O`zLiDeP Qashqadaryo viloyat kengashi
Matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Ta’lim sohasi vakillari partiya targ‘ibotida faol
09.04.2024, 20:15
-
“Bunyodkor tekstilda” quyi bo‘g‘in faoliyati jonlanmoqda
08.04.2024, 17:01
-
217 nafar partiya a’zosi bo‘lgan korxonadagi quyi bo‘g‘inning faoliyatiga baho berildi
05.04.2024, 12:57
-
Viloyat hokimi o‘rinbosarining hisoboti eshitildi
04.04.2024, 11:09
-
Buxorolik maslakdoshlarimiz safi tobora kengayib bormoqda
02.04.2024, 16:56
Bildirilgan fikrlar
Алимов У́ткир2019-03-01 10:55:03
Партиянгиз депутати Тажибаев Абдусамат мени тадбиркорлик фолчтимга ёрдам бериш у́рнига тиммай йозувчилик килмокда нег депутатман деб менга тазик утказмокда мен сизларга шу учун овоз берганмами.