O‘zLiDeP Qoraqalpog‘iston Respublikasi Kengashi tomonidan 27 iyun – Matbuot va ommaviy axborot vositalari xodimlari kuni munosabati bilan  bayram tadbiri tashkil etildi. Unda ommaviy axborot vositalari xodimlari, faxriy jurnalistlar va keng jamoatchilik vakillari ishtirok etdi.

Tadbirda so‘zga chiqqan O‘zLiDeP Qoraqalpog‘iston Respublikasi Kengashi raisi S.Turmanov va boshqalar jurnalistlarni kasb bayrami bilan qutlab, bugungi globallashuv sharoitida axborot olish vositalari va manbalari tobora rivojlanib, zamonaviy qiyofa kasb etayotgan bir paytda jurnalist kasbining mas’uliyati va javobgarligi tobora oshib borayotganini alohida ta’kidladi.

­–To‘g‘risi, kamtarona mehnatimni shunday yuksak mukofotlanganidan juda xursand bo‘ldim, – deydi Qoraqalpog‘iston telekanali redaktori A.Bekbergenova. ­ – Jurnalist uchun kichkina e’tiborning o‘zi ham o‘z ustida yana ham izlanishga ishini yanada kuchaytirishga sababchi bo‘ladi. Bugungi rag‘bat esa bizni albatta yanada yangi izlanishlarga chorlaydi.

Tadbir yakunida O‘zLiDeP Qoraqalpog‘iston Respublikasi tomonidan bir guruh jurnalistlar partiyaning qimmatbaho sovg‘alari bilan taqdirlandi.

Asem SIRIMBETOVA,

O‘zLiDeP Qoraqalpog‘iston

Respublikasi Kengashi xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!