Xalq deputatlari Toshkent viloyat Kengashidagi O‘zLiDeP deputatlik guruhi hamda mahalliy budjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari bo‘yicha doimiy komissiyaning qo‘shma yig‘ilishi bo‘lib o‘tdi.

Yig‘ilishda deputatlar Toshkent viloyat moliya boshqarma boshlig‘i F.Hudayberdiyevning hisobotini eshitdi.

–Viloyat bo‘yicha budjet daromadlariga (kontingent) joriy yilning 1-choragi uchun belgilangan 920,5 mlrd. so‘m prognoz ko‘rsatkichi amalda 1076,2 mlrd. so‘m yoki (117%)ga bajarildi, – deydi F.Hudayberdiyev. –Mahalliy budjet daromadlari bo‘yicha tasdiqlangan rejaga muvofiq esa  shu   yilning 1-choragida 370,2 mlrd. so‘mni tashkil etgan holda haqiqiy tushum 407,2 mlrd.so‘m miqdorida bajarildi.

Yig‘ilishda shuningdek, kun tartibidagi ikkinchi masala yuzasidan viloyat davlat soliq boshqarma boshlig‘i D.Yunusdjanovning hisoboti tinglandi.

– Budjet daromadlariga 2018 yil 1- choragi uchun belgilangan 918,6 mlrd. so‘m prognoz ko‘rsatkichi 1 trln. 74 mlrd. so‘mga bajarildi, – deydi D.Yunusdjanov. – 2018 yilning yanvar-may oylariga belgilangan 1 trln. 686 mlrd. so‘m prognoz ko‘rsatkichi 2 trln. 92 mlrd. so‘mga (124,1%) bajarildi.

Yig‘ilishda hisobotlar yuzasidan fikr-mulohazalar bildirilib, galdagi vazifalar belgilab olindi.

Yusufxo‘ja XO‘JAMOV,

Xalq deputatlari

Toshkent viloyat Kengashidagi

O‘zLiDeP deputatlik

guruhi ijrochi kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!